Administradór Postu Administrativu Ataúro, Mateus Belo. Imajen Espesiál.

DILI, 05 maiu 2020 (TATOLI)–Administradór Postu Administrativu Ataúro, Mateus Belo informa, aban (kuarta, 06 maiu 2020), sei submete atualizasaun dadus uma-kain ba Autoridade Munisípiu Dili (AMD) hodi prosesa atu nune’e povu bele hetan subsídiu hosi Governu.

Nia hatutan, finalizasaun atualizasaun dadus uma-kain nian iha Postu Administrativu Ataúro, Munisípiu Dili, totál hamutuk 2.679  ne’ebé rekollla hosi Suku Beloi, Biqueli, Macadade, Maquili no Suku Vila-Maumeta.

“Ita finaliza atualizasaun dadus uma-kain nian iha Postu Administrativu Ataúro, Munisípiu Dili, total hamutuk 2.679. Total refere kompostu hosi suku lima (5) hanesan suku Beloi 448, Biqueli 691, Macadade 557, Maquili 541, Vila-Maumeta 442,”  Administradór Postu Administrativu Ataúro, Mateus Belo, infroma ba  Ajénsia TATOLI liuhosi entrevista via telefonika, tersa ne’e.

Posesu rekolla dadus ne’e, nia hatutan, tanba hala’o iha situasaun Estadu Emerjensia ba surtu COVID-19 ne’ebé populasaun sira labele halo movimentu bamai no labele konsentra iha fatin ida, tanba ne’e lideransa komunitária sira mak ba foti dadus iha populasaun sira-nia hela fatin.

“Ho Estadu Emerjensia ba COVID-19 nian, ita-nia populasaun sira labele konsentra iha fatin ida hodi akumula ema barak. Tanba ne’e mak Xefe Suku sira mak tun ba sira-nia uma ka hela fatin mak rekolla dadus hodi entrega mai iha Postu Administrativu,” nia informa.

Adminitradór ne’e haktuir, levantamentu dadus ba subsídiu uma-kain nian jeralmente la’o di’ak tanba iha kooperasaun no serbisu hamutuk entre Postu Administratvu ho lideransa komunitária sira iha baze.

Durante ne’e, nia dehan, Pastu Administrativu iha ona dadus báziku no ho orientasaun balu sei aumenta tan dadus sira hosi uma-kain foun sira ne’ebé mak foin harii.

“Ami-nia serbisu la’o di’ak tebes tanba koopera no serbisu entre Postu Administratvu ho lideransa komunitária sira. Nune’e, ita rekolla hotu ona dadus no ami sei kompleta tan ho dadus sira hosi xefe família foun,” nia hateten.

Jornalista : Osória Marques

Editór     : Cancio Ximenes

HAKEREK NO HATÁN

Please enter your comment!
Please enter your name here