Abitante sira nebe kumpri ona loron 14 iha kuarentena wainhira partisipa iha seremonia reintegrasaun iha kuarentena Tasi tolu, 30 Abril 2020.Imajen/TATOLI

DILI, 04 maiu 2020 (TATOLI)-Governu liuhosi Ministériu Saúde, segunda (04/05/2020), re-integra tan ema na’in 41 ba sira-nia família hafoin kompleta ona kuarentena obrigatóriu iha Otél haat iha Kapitál Dili hodi prevene transmisaun surtu COVID-19.

Hosi abitenta 41 ne’e, ema na’in neen hela iha Otél Luxury, Otél Viana ema na’in 17, Otél YQ hamutuk na’in 17, no Otél Kolmera na’in ida.

”Ita re-integra tan abitante sira ne’ebé mak durante loron 14 iha deskonfinamentu obrigatóriu iha kuarentena hamutuk 41 kompostu husi mane 25 no feto 16,” informa Diretór Nasionál Polítika no Kooperasaun Ministériu Saúde, Narcisio Fernandes ba jornalista sira iha Otél YQ, Raikotu Dili,ohin.

Narcisio esplika abitante hirak ne’e balun antes ne’e hela iha Otél Lecidere Dili hafoin maka muda fila-fali ba Otél YQ no Viana.

”Sira na’in 34 ne’e maihusi Otél Lecidere ne’ebé ita hotu hatene entaun na’in ida pozitivu ita fahe sira na’in 17 mai iha Otél YQ no na’in 17 iha Viana Hudi-Laran no agora daudaun re-integra ba família sira,” tenik tan.

Durante serimonia re-integrasaun ne’e, Ministériu Saúde disitribui mós sertifikadu ba abitante sira no husu atu mantein distánsia sosiál, fase liman beibeik ho sabaun no seluk tan.

”Mantein ijiéne pesoál fase liman beibeik nune’e ita prevene COVID-19 husi ita-nia an ba ema seluk,” katak Nia.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here