DILI, 01 maiu 2020 (TATOLI) – Governu liuhosi Sekretaria Estadu Formasaun Profisionál no Empregu (SEFOPE), kongratula traballadór Timor-oan sira iha ámbitu komemorasaun Loron Mundiál Traballadór no husu atu kontinua sai eroi ba família no ba nasaun.
Liuhosi nota imprensa ne’ebé Agência Tatoli asesu iha pajina ofisiál SEPFOPE, Sekretáriu Estadu Formasaun Profisionál no Empregu, Julião da Silva, konsidera loron 1 maiu nu’udar loron mundiál ba selebrasaun loron traballadór nian no Timor-Leste sempre ho atividade no eventu ruma, maibé tinan ne’e diferente oituan.
“Tinan ne’e selebrasaun diferente tebes tanba ita hotu hatane katak iha mundu tomak nasaun liu atus ida maka infrenta hela situasaun pandemia COVID-19 inklui Timor-Leste”, dehan Julião, sesta ne’e.
Maski nune’e, SEFOPE kontinua fó parabéns maluk servidór ka servisu na’in sira ne’ebé merese atu hetan sira nia direitu tuir lei.
Jornalista: Natalino Costa
Editora: Julia Chatarina