Prezidente Repúblika, Francisco Guterres Lú Olo. Imajen Tatoli/ António Gonçalves

DILI, 30 abril 2020 (TATOLI)–Prezidente Repúblika, Francisco Guterres “Lú Olo”, ohin (30 abril 2020), promulga Dekretu-Lei tolu (3) kona-ba medida apoiu surtu COVID-19 nian.

“Prezidente Repúblika, Francisco Guterres “Lú Olo”, ohin, promulga Dekretu-Lei tolu (3). Lei tolu ne’e mak kona-ba Medida Apoiu Empregu, Remuneratoriu Ba Funsionáriu, Ajente Traballu Administrasaun Públika ne’ebé hala’o serbisu prevensaun no Kontrolu no Apoiu Monetáriu ba família sira iha ámbitu pandemia COVID-19 ne’e,” dehan komunikadu imprensa ne’ebé Ne’ebé Ajénsia TATOLI asesu, kinta ne’e.

Komunikadu husi Prezidénsia Repúblika ne’e hateten, Dekretu-Lei tolu ne’e aprova iha Konsellu Ministru iha 23 no 23 abril 2020 nu’udar medida ne’ebé foti atu minimiza impaktu sosiál no ekonomia ba povu nia moris hafoin implementasaun estadu emerjénsia.

Prezidente Repúblika simu Dekretu-Lei tolu ne’e iha segunda-feira (27 abril 2020) lorokraik.

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here