Kompanhia Shell Lubricanst Apoio Oli ba Ministerio Saude. Imajen/Egas Cristovao

DILI, 30 abríl 2020 (TATOLI)-Kompañia Shell Lubricants Lda, iha kinta (30/04/2020) apoiu óliu karreta hamutuk kaixa 60 ba Ministériu Saúde hodi apoiu servisu operasaun durante atividade prevensaun surtu COVID-19 iha Timor-Leste.

“Ami kompañia Timoroan Shell Lubricants Lda, ajuda Ministériu Saúde ho liu kuantidade kaixa 60 signifika ita baku ba osan hamutuk rihun 10 dolares,” informa Jestór Operasionál Kompañia Shell Lubricants Lda, hafoin entrega apoiu ne’e iha Palasiu Sinzas, Caicoli Dili, kinta ohin.

Hodi hatutan, objetivu husi apoiu ne’e atu tulun profisionál saúde ho servisu tékniku sira seluk iha liña frente hodi kombate no prevene transmisaun COVID-19.

Notísia Relevante :ONG Catalpa Apoiu Ekipamentu Prevene COVID-19 ba MS

“Ami kompañia mós eziste iha Timor kle’úr ona ami sente katak ami hola parte iha Timor no ami halo negósiu iha Timor ami mós hakarak halo ami nia kontribuisaun ba Governu liu liu Ministériu Saúde,” tenik tan.

Iha fatin hanesan Diretóra Jerál Prestasaun Saúde, Odete Viegas da Silva, hateten reprezenta Governu hodi agradese ba kontribuisaun husi Kompañia ne’e hodi responde situasaun emerjénsia ba prevensaun Coronavirus.

“Servisu hotu hotu tenki iha mós servisu de apoiu liliu ba transporte sira tanba balun mobiliza transporte entaun trasporte balun laiha óliu no transporte aat entaun hanesan Timoroan hanoin di’ak oinsá atu tulun Governu liuhusi Ministériu saúde atu nunee ami -nia kareta mos dalaruma óliu laiha ami bele uza hodi halao servisu liña frente nian,”tenik tan.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here