Prezidente Partido CNRT, Kay Rala Xanana Gusmão, Gusmão. Imajen/Egas Cristóvão

DILI, 30 abríl 2020 (TATOLI)—Prezidente Partidu Congresso Nacional da Reconstrução de Timor (CNRT), Kay Rala Xanana Gusmão fó-sai katak destinu membru Governu hosi partidu refere sei iha prosesu diskusaun.

Xanana Gusmão hateten, kuadru CNRT ne’ebé envolve iha VIII Governu Konstitusionál ne’e, parte nível politika Konsellu Polítika Nasionál (CPN-sigla portugés).

“Membru Governu sira-ne’ebé hosi CNRT iha VIII Governu ne’e ha’u lakomenta tanba Konsellu Polítika Nasionál (CPN-sigla portigés) sei diskute ida-ne’e hodi informa ba públiku,” Prezidente CNRT, Kay Rala Xanana Gusmão, informa liuhosi konferénsia imprensa, iha Bairro dos Grilhos, Dili, kinta ne’e.

Kuadru CNRT ne’ebé envolve iha VIII Governu Konstitusionál mak hanesan Ministru Estadu Prezidénsia Konsellu Ministru, Hermenegildo Augusto Cabral Pereira, Ministru Negósiu Estranjeiru no Kooperasaun, Dionísio da Costa Babo Soares, Ministra Edukasaun, Juventude no Desportu, Dulce de Jesus Soares, Vise-Ministra Finansa, Sara Lobo Freitas, Vise-Ministru Administrasaun Estatál, Abílio José Caetano, Sekretáriu Estadu Kooperativa, Arsénio Pereira da Silva, Sekretáriu Estadu Juventude no Desportu, Nélio Isaac Sarmento, Sekretáriu Estadu Arte no Kultura, Teófilo Caldas, Sekretáriu Estadu Asuntu Kombatente Libertasaun Nasionál, Gil da Costa Monteiro “Oan Soru”.

CNRT hola parte iha VIII Governu Konstitusionál bazeia ba rezultadu Eleisaun Antesipada (CNRT) 2018 maibé iha loron 3 dezembru 2019, Orsamentu Jerál Estadu (OJE) 2020, Governu deside retira proposta proposta orsamentu biliaun $1.995 (iha faze jeneralidade loron daruak), tanba la estruturadu no inskonstitusionál.

Nune’e, Governu kumpre rekomendasaun PN nian hodi redús ba biliaun $1,668. Proposta ne’e governu aprezenta hikas ba PN iha 19 dezembru 2019.

Maibé proposta OJE ho montante Biliaun $1,668 la pasa iha jeneralidade loron datoluk, iha loron-sesta (17/1/2020), ho votu a-favór 13, kontra 15 no abstensaun 25 tanba CNRT vota kontra.

Notísia Relevante: AMP Ne’ebé Lidera Hosi CNRT Sei Hatama Petisaun Ba TR

Jornalista : Evaristo Soares Martins

Editór     : Cancio Ximenes

HAKEREK NO HATÁN

Please enter your comment!
Please enter your name here