Portavóz CIGC no Koordenadór Ligasaun Ofisiál ba Forsa Tarefa COVID-19, Rui Maria de Araújo. Imajen Tatoli/Egas Cristovão

DILI, 29 abríl 2020 (TATOLI)-Portavós Sentru Integradu Jestaun Krize (CIGC), Rui Maria Araújo, klarifika  katak, sidadaun estranjeiru husi Pakistaun ida ne’ebé, ohin, monu iha estrada públiku área Kampu Alor, Munisípiu Dili, la’ós moras coronavirus ka COVID-19.

Notísia Relevante : CIGC Agradese Povu Tanba Komportamentu Ezemplár

Koordenadór Ligasaun Ofisial ba Forsa Tarefa COVID-19 ne’e klarifika mós katak, ekipa médiku sira iha Postu Saúde Kampu Alor rasik halo ona klarifikasaun informasaun ba CIGC katak, sidadaun estranjeiru ne’e sofre moras seluk.

“Postu Saúde iha Kampu Alor verifika ona, ambulánsia lori ona ba ospitál. Ema-ne’e la iha relasaun ho COVID-19,” hateten Rui Maria de Araújo, ohin, hodi responde jornalista liuhosi konferénsia imprensa iha Sentru Mídia Sala Situasaun CIGC iha Sentru Konvensaun Dili (CCD).

Rui Araújo husu ba públiku atu labele fahe informasaun ne’ebé laloos iha media sosiál Facebook no husu ba públiku atu fiar de’it informasaun ne’ebé mídia ka CIGC fó sai loroloron ba públiku nu’udar informasaun ne’ebé loos.

Sidadaun estranjeiru ne’e agora hala’o hela tratamentu saúde iha Ospitál Nasionál Guido Valadares (HNGV).

Notísia Relevante : COVID-19, Kazu Konfirmadu 24 La iha Mudansa

 Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here