Konferénsia imprensa Partidu CNRT, PD, KHUNTO, PUDD no UDT/FM, kona-ba akta koligasaun foun atu harii IX Governu Konstitusionál. Imajen Tatoli/ dok.

DILI, 29 abríl 2020 (TATOLI)—Partidu Kmanek Haburas Unidade Nasionál Timor Oan (KHUNTO), kuarta ne’e, ofisialmente deklara retira hosi koligasaun foun ne’ebé forma hosi partidu neen kompostu hosi CNRT, PD, KHUNTO, UDT/Frenti-Mudança no PUDD.

Karta retira ne’e dirije hosi Prezidente KHUNTO, Armanda Berta dos Santos, ba líder másimu koligasaun foun, Kay Rala Xanana Gusmão, ho númeru referénsia 037/P. KHUNTO/IV/2020, ne’ebé Tatoli asesu iha lorokraik ne’e.

Deklarasaun retirada ne’e akontese tanba KHUNTO haree katak to’o ohin loron situasaun koligasaun foun laiha serteza nu’udar koligasaun alternativu ida atu forma IX Governu Konstitusionál tanba seidauk hetan konfirmasaun no aseitasaun hosi Prezidente Repúblika.

Koligasaun Foun Entrega Karta Audiénsia Daruak ba Prezidente Repúblika

Tanba KHUNTO hola parte mós iha VIII Governu Konstitusionál, nune’e deside apoiu tomak ba Governu ne’e to’o 2023.

KHUNTO hato’o agradese wa’in ba Líder Karizmátiku no Prezidente CNRT, Kay Rala Xanana Gusmão no líder partidu PD, UDT/Frenti-Mudança no PUDD tanba kolabora no serbisu hamutuk di’ak tebes iha tempu sira liubá.

Jornalista: Evaristo Soares Martins
Editór: Cancio Ximenes

1 KOMENTÁRIU

HAKEREK NO HATÁN

Please enter your comment!
Please enter your name here