Diretór DNRN, Victor da Costa Neto. Imajen/Dok.Tatoli

DILI, 29 abríl 2020 (TATOLI) – Iha primeiru trimestre, janeiru to’o marsu 2020, Diresaun Nasionál Rejistu Notariadu (DNRN), Ministériu Justisa (MJ), rekolla reseita $378,775.00 hosi serbisu emisaun pasaporte.

Notísia Relevante : DNRN Kontribui Reseita Ba Kofre Estadu $1.794.775.00

Diretór DNRN, Victor da Costa Neto hateten, reseita hirak ne’e kontribui ona ba kofre estadu, ne’ebé kobre hosi emisaun pasaporte komún, pasaporte diplomátiku no pasaporte serbisu.

Ba Ajénsia Tatoli, ohin, iha nia kna’ar fatin, Mandarin Dili, Victor da Costa Neto, dehan, durante fulan tolu ne’e, sira-nia parte konsege halo atendimentu ba emisaun pasaporte komún hamutuk 5818, pasaporte serbisu 76 no pasaporte diplomátiku 75.

“Reseita hirak-ne’e rekolla mai hosi serbisu atendimentu emisaun pasaporte iha Munisípiu Dili, Bobonaro ho Rejiaun Administrativu Espesiál Oe-Cusse Ambeno (RAEOA),” hateten Victor Neto.

Liuhosi orientasaun Ministru Justisa (MJ) Manuel Cárceres hodi kontribui ba estadu emerjénsia no kombate propagasaun Coronavirus ka COVID-19, maka DNRN bele atende de’it emisaun pasaporte ho karakter urjénsia hanesan ema moras atu halo transferénsia ba rai li’ur, diplomátiku sira no pasaporte serbisu ho nivel urjénsia.

Jornalista : Nelson de Sousa

Editór       : Francisco Simões

 

HAKEREK NO HATÁN

Please enter your comment!
Please enter your name here