Materiál doasaun kombate COVID-19 husi Governu Xina to’o iha Aeroportu Comoro ho Aviaun Citilink, tersa (28/04). Imajen Tatoli/António Gonçalves

DILI, 29 abríl 2020 (TATOLI)-Vise Ministru Estratéjiku Dezenvolvimentu Saúde, Bonifácio Maucoli dos Reis, informa Governu liuhosi Ministériu Saúde (MS) sei hahú distribui ekipamentu prevensaun surtu COVID-19 ne’ebé hetan ona doasaun hosi Governu Xina ba Ospitál Referál sira iha Munisípiu liliu iha Bobonaro no Covalima.

”Liliu ekipamentu sira ne’e ita atu distribui ba ema sira ne’ebé mak servisu iha liña frente hanesan pesoál saúde, seguransa, no mós Imigrasaun,” dehan, Bonifácio ba Jornalista hafoin ramata Konsellu Ministru iha Edifísiu Ministériu Finansa, Ai-Tarak-Laran Dili, kuarta ohin.

Notísia Relevante :MS Garante Kualidade Materiál Doasaun Husi Governu Xina

Materiál ne’ebé hetan ona doasaun hosi Governu Xina iha tersa (28/04/2020) ba Ministériu Saúde maka hanesan mascara 42.000, 40.000 máskara KN95, 4.400 aventál ba protesaun, 4.440 vizeira, 4.400kapa ba sapatu 5.000 luvas ba médikusira, termometer 80, no ventiladór portable hamutuk 90.

”Ventilatór 90 ne’e ita la distribui tanba ita iha kazu sei kaman ka lijeiru hela entaun ita seidauk bele uza maibé ita haree ba situasaun grave ona mak ita bele foin uza karik ita iha kazu grave jatamente ita distribui ba izolamentu no ospitál referál sira,” tenik tan Governante.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here