Primeiru-Ministru, Taur Matan Ruak prezide reuniaun ho Komisaun Interministeriál no CIGC, kona-ba koordenasaun imementasaun ba Medidas Prevensaun no Kontrolu ba COVID-19, iha Ministériu Finansas, Aitarak-Laran, sesta (17/04).Imajen Tatoli/Egas Cristovão

DILI, 29 abríl 2020 (TATOLI)-Governu liuhosi reuniaun Konsellu Ministru, kuarta (29/04/2020) aprova ona proposta hosi Klibur Instituisaun Ensinu Superiór Privadu Timor-Leste (KIESP-TL) hodi oferese kreditu ba Dosente sira durante implementasaun estadu emerjénsia.

Ministru Ensinú Superiór Siénsia no Kultura (MESSK) maka aprezenta proposta ne’e liuhosi Ministru Koordenadór Asuntu Ekonómiku Ein-ezersísiu, Fidelis Manuel Leite Magalhães hodi hetan aprovasaun iha Konsellu Ministru.

Notísia Relevante :Universidade Privada Husu Subsídiu ba Governu

Governu rekoiñese kontribuisaun Dosente hosi Universidade Privada sira hodi hanorin estudante sira uza Sistema online durante implementasaun EE.

“Normalmente ha’u mós husu ba Governadór Banku Sentrál iha enkontru Konsellu Ministru ne’e kona-ba posiblidade dosente sira atu hetan kreditu, nia rasik hateten mai ha’u katak iha posiblidade bele hetan kreditu,” informa MESSK, Longuinhos dos Santos ba Jornalista Sira iha reuniaun KM, iha Edifísiu Ministériu Finansa, kuarta ohin.

Iha okaziaun ne’e Governu mós halo alterasaun ba dekretu lei balun hodi fó kreditu ba Dosente sira.

Governu mós sei konsidera proposta KIESP-TL nian ida maka husu subsidiu hodi selu dosente sira durante implementasaun estadu emerjénsia.

Antes ne’e KIESP-TL aprezenta pedidu rua ba Governu, ida maka husu apoiu subdisiu ba universidade privada hamutuk 10 ho osan $ 2, 473,749.50, no pedidu seluk mak husu kreditu.

Jornalista : Tomé Amado

Editór       : Agapito dos Santos

HAKEREK NO HATÁN

Please enter your comment!
Please enter your name here