Sekretáriu Estadu Komunikasaun Sosiál, Merício Juvinal dos Reis ‘Akara’. Imajen Tatoli/Egas Cristovão

DILI, 29 abríl 2020 (TATOLI) – Sekretáriu Estadu Komunikasaun Sosiál, Merício Juvinal dos Reis ‘Akara’, informa katak nia parte husu ba ona mídia-na’in sira atu enkamiña lista jornalista ne’ebé konsidera iha liña frente nune’e bele hetan tratamentu espesiál husi Governu tanba ekipa tékniku hahú loke rejistrasaun.

“Ekipa SEKOMS halo hela servisu atu identifika ba númeru totál jornalista sira ne’ebé maka tama iha kategoria liña frente, ho baze dadus barak ekipa sei finaliza hafoin bele fó apoiu”, dehan Sekretáriu Estadu Akara liuhosi konferénsia imprensa iha Salaun SEKOMS, Palásiu Governu, kuarta ne’e.

Notísia Relevante: SEKOMS Husu Mídia-Na’in Hatama Naran Jornalista Liña Frente Hodi Hetan Apoiu Espesiál

Tuir governante ne’e, polítika ne’ebé Governu iha agora iha faze implementasaun, tanba ne’e presiza kolaborasaun mídia sira inklui asosiasaun jornalista tanba importante atubele aselera prosesu, liuliu liga ba proposta.

“Ita mós labele naran fó subsídiu ba A ka B, tanba ita presiza iha dadus husi proposta atubele iha responsablidade. Ne’ebé dala ida tan fonte orsamemtu ne’e agora daudaun bele fasilita ona Ita bo’ot sira (jornalista), maibé hein kompleta tiha dadus sira. Iha fulan-maiu nia-laran ezekusaun bele la’o”, nia salienta.

Akara subliña, Governu presiza tebes apoiu husi jornalista liña frente hodi hamutuk bele hasoru situasaun COVID-19.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here