Bandeira partidu CNRT. Foto espesiál.

DILI, 29 abríl 2020 (TATOLI)–Partidu Congresso Nacional da Rekonstrução de Timor (CNRT), ohin, hala’o reuniaun urjente ho membru Governu no deputadu sira hosi CNRT nian.

Iha reuniaun alargada ne’e mós partisipa hosi Jurista Manuel Tilman.

Reuniaun ne’ebé hala’o iha sede CNRT Bairro dos Grilhos ne’e, ho portaun taka metin. Reuniaun ne’e hahú hosi tuku 15:30 lorokraik no to’o oras ne’e seidauk ramata.

Tuir observasaun Agência TATOLI, iha iha sede CNRT, membru VIII Governu Konstitusionál hosi partidu CNRT nian ne’ebé tuir reuiniaun ne’e mak hanesan Ministru Prezidénsia Konsellu Ministru, Hermenegildo Agio Pereira, Ministra Edukasaun Juventude no Desportu (MEJD) Dulce de Jesus, Ministru Administrasaun Estatál (MAE) Ein-Ezersísiu, Abílio José Caetano, Ministra Finansas Ein-Ezersísiu atuál Vise-Ministra Finansa, Sara Lobo Brites, Sekretáriu Estadu Juventude Desportu (SEJD) Nélio Isaac Sarmento, Sekretáriu Estadu Kooperativa (SEKoop), Arsenio Pereira, Sekretáriu Estadu Arte no Kultura (SEAK) Teofilo Caldas, Sekretáriu Estadu Veteranus (SEV), Gil da Costa “Oan Soru”.

Entretantu, hosi parte Deputadu CNRT nian ne’ebé tuir reuiniaun urjente ne’e mak hanesan Arão Noé de Jesus da Costa Amaral, Sekretariu Jerál Ein-Ezersísiu CNRT atual Adjuntu Sekretáriu Jerál CNRT, Jacinto Rigoberto, Xefe bankada CNRT, Duarte Nunes ho nia membru tomak no mós Sekretáriu Jerál PN, Cedelizia Faria dos Santos.

Jornalista : Evaristo Soares Martins

Editór       : Cancio Ximenes

HAKEREK NO HATÁN

Please enter your comment!
Please enter your name here