Portavós CIGC, Odete Viegas. Imajen/Egas Cristovão

DILI, 28 abríl 2020 (TATOLI)-Governu liuhosi Sala Situasaun Sentru Integradu Jestaun Krize (CIGC-sigla portugés), Odete Viegas da Silva deklara maski Timor-Leste deteta ona kazu surtu COVID-19 ba ema hamutuk 24, maibé seidauk rejista kazu grave hodi rezulta ema mate.

“Hanesan ita hotu rona no hatene katak ho grasa Maromak nian durante pandemia COVID-19 to’o agora seidauk iha ema mate iha Timor-Leste,” afirma Doutóra Odete ba jornalista sira durante konferénsia imprensa iha CCD, tersa ohin.

Ekipa médiku konsege halo tratamentu saúde ba pasiente konfirmadu coronavirus iha TL, no la rejulta ema mate, maski kompara ho nasaun seluk iha mundu ema mate kada loron aumenta maka’as.

Ho nune’e maka Odete reprezenta Governu hodi husu nafatin ba komunidade atu kumpre regra hosi Ministériu Saúde no Organizasaun Mundiál Saúde atu mantein distánsia, fase liman bebeik ho sabaun, me’ar ka fani tenki taka ibun no seluk tan.

Kazu Konfirmadu 24 ne’e, pozitivu na’in rua no provavel na’in haat rekupera ona no falta na’in 22 maka sei kontinua izola iha Sentru Saúde Vera Cruz Dili hodi hetan tratamentu Saúde

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here