Ministériu Saúde liuhusi pesoál saúde sira iha munisípiu Dili, tama no sai bairru hodi vásina labarik sira. Imajen António Goncalves/dokumentasaun TATOLI

Kampaña imunizasaun sarampo suspende iha Nasaun 25

DILI, 28 abríl 2020 – Fundu Nasaun Unida ba labarik (UNICEF, sigla inglés) relata labarik millaun 13, no Nasaun 25 mak la simu vasina hasoru sarampu, dipteria no polio, tanba pandemia Covid-19.

Tuir nota komunikadu ne’ebé TATOLI simu hosi mídia UNICEF iha Dili, labarik tinan ida mai kraik millaun 13 globalmente seidauk simu vasina iha 2018, barak husi sira mak hela iha país ho sistema saúde ladun di’ak, tanba interopsaun hirak ne’e bele hamosu dalan ba surtu boot liu iha 2020 no liu tan.

“COVID-19 kontinua globalmente, ita-nia servisu salva-moris hodi oferese vasina ba labarik sira kritíku loos”, dehan Robin Nandy, Asesór prinsipal no Xefe Imunizasaun UNICEF.”

País ho rendimentu aas ne’ebe labarik sira seidauk vasina dahuluk ho vasina doze sarampo 2010-2018
1.Estadu Unidus Amerika: 2.868.000
2. Fransa: 680.000
3. Reinu Unidu: 585.000
4. Italia: 482.000
5. Japaun: 386,000
6. Kanada: 366.000
7. Alemaña: 195.000
8. Australia: 155.000
9. Xili: 155.000

10. España: 141.000

Tuir estimasaun labarik millaun 182 mak lakon doze dahuluk husi vasina sarampo entre 2010 no 2018, ka labarik millaun 20,3 ho media tinan ida.

Tuir UNICEF-nia analize sira, ida ne’e tanba kobertura globál husi doze dahuluk sarampo nian hetan de’it pursentu 86, ki’ik-liu pursentu 95 mak nesesita hodi prevene propagasaun sarampo.

Husi aumentu ba labarik sira mak seidauk hetan vasina bele lori ba propagasaun sarampo iha 2019, inklui país sira ho rendimentu aas hanesan Estadus Unidus, Reinu Unidu no Fransa.

Entre país sira ho rendimentu ki’ik, lakuna iha kobertura sarampo antes COVID-19 ne’e sai ona preokupasaun. Entre 2010 no 2018, Ethiopia hutudu númeru ho labarik sira tinan ida mai kraik mak la hetan doze dahuluk sarampo-nian, iha besik millaun 10,9. Tuir kedas husi Republika Demokratika Kongo (millaun 6,2), Afganistaun (millaun 3,8), Chad, Madagaskar no Ugabda ida-idak maizumenus millaun 2,7.

Alende sarampo lakuna sira ne’e boot ona, tuir perfil foun rejional-nian mak dezenvolve husi UNICEF. Iha Afrika, labarik sira mak la hetan vasina sira iha tina hirak liu ba tanba aumentu husi númeru tuur-ahi no servisu imunizasaun sira paradu. Hanesan ezemplu, iha Afrika Osidentál no Sentrál, kobertura paradu hela iha pursentu 70 ba DTP3 – ne’e mak ki’ik liu iha entre rejiaun sira – pursentu 70 ba polio, no pursentu 71 ba sarampo sira. Ida ne’e bele lori ba repitisaun propagasaun sarampo no polio iha país sira hanesan Republika Demokratika Kongo. Maibé iha Sudeste Aziátika, iha estimasaun labarik millaun 3,2 mak la simu liu vasina ida iha 2018. Iha Afrika Orientál no Austrál, númeru labarik sira mak seidauk vasina kontinua mantein nafatin iha dékade ida ikus ne’e, maizumenus millaun 2. Iha rejiaun sira hotu mós agora kombate hasoru hela propagasaun COVID-19.

UNICEF manda ona suprimentu vasina kritiku sira hodi vasina labarik sira, karik posivel, iha area propagasaun sira no atu kompleta sira-nia suprimentu rutina. Iha Republika Demokratika Kongo, hanesan ezemplu, UNICEF apoia hela ona Governu ho suprimentu vasina no ekipamentu protetivu atu kontinua ho atividade imunizasaun sira iha Provinsia Kivu Norte-nian, ne’ebe relata ona kazu sarampo 3.000 liu propaga ona hahú 1 janeiru.

Uganda, UNICEF sosa ona vasina doze 3.842.000 husi vasina bivalente kontra poliuliemilite (bOPV) atu imuniza labarik tinan ida mai kraik 900.000. Labarik sira simu doze tolu husi vasina polio antes selebra sira-nia tinan dahuluk.

Iha medida bainhira mundu hadau malu atu dezenvolve vasina foun ba COVID-19, UNICEF no parseiru sira iha inisiativa ba Sarampo no Rubela no Gavi, Aliansa ba Vasina apela ba governu sira no doador sira atu; sustenta servisu imunizasaun bainhira mantein servidór saúde sira no komunidade sira seguru.

Sujere atu hahú planeia hodi aumenta vasina ba labarik ne’ebé seidauk simu vasina bainhira pandemia liu tiha; apoia kompletamente Gavi, kariak aliansa apoia programa imunizasaun iha futuru; garante katak wainhira vasina COVID-19 despunivel, bele ona atinji ba sira nesesitadu liu.

“Labarik sira mak lakon oportunidade ba vasina sira la-hetan protesaun husi moras iha sira-nia moris”, dehan Dr. Seth Berkley, CEO, GAVI, aliansa ba vasina. “Legado COVID-19 tenke labele inklui resureisaun globál husi asasinu hanesan sarampo no polio.”

Dadus ne’e bazea ba analize estimasan kobertura imunizasaun nasionál husi UNICEF no Organizasaun Mundiál ba Saúde (WHO, sigla ingles) husi país 194 no Estadu Palestina ba 2018.

Imunizasaun mundiál akontese ona iha abríl semana ikun-nian atu promove uzu husi vasina sira. Ba UNICEF-nia servisu imunizasaun, vizita https://www.unicef.org/immunization.

UNICEF servisu iha fatin balu mak difisil tebes, atu hakbesik ba labarik desfavoresida-liu sira. Iha país no territoriu liu 190, ami servisu ba labarik hotu, iha ne’ebe de’it, atu hari’i mundu ida di’ak-liu ba ema hotu. Ba informasaun kona-ba UNICEF ho nia servisu ba labarik sira vizita www.unicef.org. (ki)

HAKEREK NO HATÁN

Please enter your comment!
Please enter your name here