Foos husi nasaun Vietname atraka iha Portu Dili, tersa (28/04). Imajen Tatoli/Antónia Gusmão

DILI, 28 abríl 2020 (TATOLI) – Iha tersa ne’e, foos hamutuk metrik tonelada 2.700 husi nasaun Vietname atraka iha Portu Dili tuku 11:00 dader.

Primeiru Vise-Prezidente Autoridade Portuáriu Timor-Leste (APORTIL), José Manuel Marques, informa ró ho naran KIEN HUNG, tula foos husi setór privadu.

“Ami simu foos hamutuk metrik tonelada 2.700, bazeia ba kargu manifestu, sasán na’in mak Timor Food Lda. Foos ne’e hatama hosi setór privadu la’ós husi Governu”, hateten José Manuel ba Agência Tatoli iha ninia knaar fatin, Portu Dili.

Daudaun ne’e, foos hirak ne’ebé empreza lori sai ona husi Portu Dili, tau hamutuk ona iha armazen empreza nian no foos hirak ne’e sei fa’an ba komunidade.

Dirijente APORTIL ne’e afirma, durante períodu Estadu Emerjénsia, APORTIL simu foos hamutuk tonelada 4.150 husi nasaun sira ne’ebé mak hatama foos mai Timor-Leste.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here