Diretór Sentru Integradu ba Jestaun Krize, Brigadeiru Jenerál, João Miranda Aluk, enkontru ho Primeiru-Ministru, Taur Matan Ruak. Imajen/Mídia-GPM

DILI, 28 abríl 2020 (TATOLI)- Segundu Komandante Operasionál Sala Situasaun Sentru Integradu Jestaun Krize (CIGC-sigla Portugés), Brigadeiru Jenerál (Brigjen), João Miranda Aluk, ohin, iha Palacio do Governo, hala’o enkontru semanál ho Primeiru-Ministru, Tuar Matan Ruak, hodi aprezenta progresu serbisu CIGC nian.

Ba jornalista sira hafoin enkontru semanál ne’e, Brigadeiru Jenerál Aluk hateten, Xefe Governu Taur  Matan Ruak, apresia ho progresu serbisu CIGC ne’ebé loro-loron update nafatin informasaun ba estadu no abitante Timor-Leste hodi luta kontra surtu COVID-19 nu’udar pasu importante ba Timor-Leste.

“Primeiru-Ministru Taur Matan Ruak, apresia ho serbisu ekipa CIGC nian no husu atu  CIGC kontinua tau atensaun ba pasiente sira COVID-19,” informa Brigadeiru Jenerál Aluk.

Taur husu atensaun ba ekipa CIGC tomak atu hadi’a nafatin progresu serbisu, liu-liu aumenta fasilidade no tau matan ba pasiente COVID-19 no abitante sira ne’ebé daudaun ne’e kumpre hela kuarentena obrigatóriu no izolamentu.

Aluk hatutan, implementasaun Estadu Emerjénsia ekipa hasoru dezafiu, maibé dezafiu sira ne’e motiva nafatin ekipa atu serbisu nafatin hodi luta kontra propagasaun surtu COVID-19 too Timor-Lete tenke livre hosi peste letál ne’e.

Notísia Relevante : PM Taur Agradese PN Autoriza Renovasaun Estadu Emerjénsia

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here