Ministru Negósiu Estrajeiru no Kooperasaun, Deonísio da Costa Babo Soares. Imajen Tatoli/António Gonçalves

DILI, 28 abríl 2020 (TATOLI) – Ministru Negósiu Estrajeiru no Kooperasaun, Dionísio da Costa Babo Soares, informa Alibaba Fundation husi Xina hakarak atu apoia materiál kombate COVID-19 ba Governu Timor-Leste.

“Ita mós sei hetan tan doasaun datoluk husi Xina, maibé doasaun ne’e rasik sei maihusi na’in ba Alibaba, Jack Ma”, dehan Ministru Dionísio iha Aeroportu Comoro, tersa ne’e.

Maski nune’e, Governante ne’e adianta, apoiu husi Governu Xina la to’o de’it iha ne’e, tanba nu’udar kompromisu ne’ebé halo ona hodi hatudu kooperasaun di’ak entre nasaun rua.

“Ita hotu hatene katak durante ne’e ita-nia relasaun di’ak tebes ho sira no ida-ne’e hatudu ona bainhira ita halo komunikasaun ho sira, maka sira sei ajuda ita iha apoia dahuluk no  hanesan ita hatene katak liuhosi komunikasaun di’ak entre ita ho sira bele lori ita-nia oan sira sai husi Wuhan”, nia akresenta.

Ministru ne’e salienta, husi diskusaun ne’ebé halo ona, husi Governu Xina nia diplomata iha Timor-Leste hamutuk komunikadade xineza maka sei kontinua ajuda Timor-Leste iha situasaun saida de’it.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here