Foto google.

DILI, 27 abríl 2020 (TATOLI)-Chief Operation Officer g7+, Felix Piedade, reprezenta nasaun sira ne’ebé hamahan an iha Organizasaun Internasionál hato’o sentidu solidariade ida kle’an ba nasaun afetadu pandemia COVID-19 iha mundu.

Coronavirus hanesan ameasa global tanba hamate ona ema barak, tanba ne’e organizasaun g7+ sujere atu nasaun hotu presiza koordena no koopera hamutuk hodi kombate moras refere.

“Ami lori nasaun sira hotu ne’ebé halibur hamutuk iha g7+ hakarak hato’o solidaridade ba nasaun hotu iha mundu ne’ebé afeita ba COVID-19,” deklara Felix Piedade ba TATOLI iha Sede g7+, segunda ohin.

“Ami hato’o mós solidaridade ba médiku sira hotu ne’ebé fó sira nia sakrifisiu hodi hala’o servisu ho di’ak tebes,” katak Nia.

Iha parte seluk nia husu ba mundu hodi fó apoiu mós ba inisiativa Sekretáriu Jerál Nasaun Unida (ONU), António Guterres hodi hapara funu ne’ebé durante ne’e akontese tanba nasaun membru organizasaun ne’e barak mós sei moris iha pos konflitu.

“Husu ba nasaun hotu atu tau liman ba malu, hamutuk haforsa instituisaun saúde atu responde ba situasaun defisil ne’ebé iha hodi halo tratamentu ba saúde públika, tau matan ba refuziadu sira nasaun g7+ barak sei iha refujiadu afeta makas hosi funu no dezastre naturál nune’e ita husu atu rekopera fila-fali ekonomia nasaun nian tanba nasaun barak iha mundu inklui Timor – Leste ekonomia tun tebes,” tenik Felix.

Jornalista    : Hortencio Sanchez

 Editór         : Agapito dos Santos

HAKEREK NO HATÁN

Please enter your comment!
Please enter your name here