Foto google

DILI, 27 abríl 2020 (TATOLI)-Chief Operation Officer g7+, Felix Piedade, reprezenta nasaun membru hodi agredese ba Prezidente Repúblika, Francisco Guterres Lú Olo tanba promulga ona rezolusaun ne’ebé aprezenta hosi Parlamentu Nasionál númeru 3/2020 kona-ba akordu sede entre RDTL ho g7+ no rezolusaun no. 4/2020 kona-ba rafikasaun karta g7+.

“Ratifkasaun karta g7+ hosi Timor ne’e hamutuk ho instrumentu ratifikasaun seluk ne’ebé halo ona hosi Afganistaun, São Tome & Prinsipe no Sierra Leone ne’ebé iha ona faze finál prosesu ratifikasaun internu, ida ne’e sei haforsa liu tan g7+ nia esforsu atu rezista ninia karta ba iha divizaun ONU nian kona-ba tratadu iha Nova Iorke,” katak Felix Piedade ba TATOLI, iha Sede g7+, segunda ohin.

Ho konsiderasaun Estadu Timor-Leste nian ne’e hodi reforsa g7+ sai estadu observadór iha Asembleia Jerál ONU, tanba Organizasaun Intergovermentál ne’e kompostu hosi nasaun 20 iha mundu.

“Iha ne’ebé agora daudauk hetan ona rekoinesimentu iha nivél globál nu’udar instituisaun ida ne’ebé ho idantidade legál,” tenik tan.

Nia dehan akordu sede entre RDTL ho g7+ demostra Timor-Leste nia kompromisu nu’udar uma nain atu suporta g7+ iha prosesu harii páz no harii estadu.

Iha fulan-abríl ne’e, g7+ sei selebra ninia aniversáriu ba dala 10, tanba ne’e nia tenik tan katak durante tinan sanulu ezisténsia hetan apoiu polítika no finanseira hosi Estadu no Governu RDTL.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here