Portavóz CIGC no Koordenadór Ligasaun Ofisiál ba Forsa Tarefa COVID-19, Rui Maria de Araújo. Imajen Tatoli/Egas Cristovão

DILI, 26 abríl 2020 (TATOLI)-Governu liuhosi Sala Situasaun Sentru Integradu Jestaun Krize (CIGC-sigla portugés) iha domingo ohin, la rejistu kazu surtu COVID-19 foun iha territóriu Timor-Leste tanba ne’e mantein númeru kazu konfirmadu 24.

Portavóz CIGC Rui Maria de Araújo, hateten totál kazu hamutuk 24, pasiente na’in neen rekuperadu, hosi ema ne’ebé rekupera ona, na’in rua antes ne’e pozivitu COVID-19 no na’in haat seluk tama iha kazu provável.

Totál kazu suspeitu hamutuk 472 kompara ho sábadu (25/04/2020) kazu 409, no suspeitu ne’ebé hein rezultadu teste laboratóriu hamutuk 81, negativu iha ema na’in 367.

“Totál kazu suspeitu iha 472 kompara ho horiseik iha 409  no agora daudaun iha númeru ne’ebé mak aumenta totál kazu ne’ebé sei hein rezultadu laboratóriu iha 81 kompara ho horseik iha 18 aumenta 60 itál,” esplika, Eis Primeiru-Ministru, Rui Maria de Araújo durante konferénsia imprensa iha CCD, ohin.

Nia hatutan sidadaun ne’ebé sei kontinua hela iha kuarentena obrigatóriu iha Dili no Munisípiu sira hamutuk ema na’in 369, auto kuarentena hamutuk 45, sira ne’ebé livre ona hamutuk 1691.

“Totál ema ne’ebé liu ona periodu kuarentena obrigatóriu hamutuk 1691,  341 iha Munisípiu no ema 1350 iha Dili,’’ reforsa Doutór Rui Maria de Araújo. 

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here