Portavós Centru Integradu Gestaun Crise, Odete Viegas. Imajen/Antonio Goncalves

DILI, 25 abril 2020 (TATOLI)–Enfermeiru ida ne’ebé oras ne’e tama ona iha sala izolamentu Vera Crus tanba konfirmadu pozitivu kazu COVID-19, durante ne’e kontaktu ho ema na’in 29 inklui ho ninia família . 

Koordenadora Ligasaun Forsa Terefa no Portavóz SIGC, Odete da Silva Viegas, hato’o asuntu ne’e liuhusi konferénsia imprensa iha Sala Situasaun Centro Integrado Gestão de Crise (SS-CIGC) Centro Convenções Dili.

“Ohin, aproveita esplika uitoan kazu profesionais saúde na’in ida, nia istória kontaktu durante ne’e, hala’o knaar hanesan Profísionál Saúde hodi atende pasiente COVID -19 iha sentru izolamentu Vera Crus. Númeru kontaktu próximu, hamutuk ema na’in 29 inklui família no Profísionál Saúde,” Portavóz SIGC, Odete da Silva Viegas, esplika.

Poetavóz ne’e esplika liután, ema hirak ne’e (29) hotu ekipa vijilánsia epidemiolojia kontaktu ona no balun ohin sei tama ba kuarentena.

Antes ne’e, Portavóz Sala situasaun sentru integradu jestaun krize (CIGC- sigla Portugés), doutór Sérgio Lobo hateten, profisionál saúde ne’e maski la iha síntoma maibé iha ona sala izolamentu Vera Crus atu hetan akompañamentu husi médiku sira.

Notísia Relevante: Enfermeiru Na’in Ida Pozitivu Ona COVID-19

Jornalista : Cipriano Colo

Editór      : Cancio Ximenes

HAKEREK NO HATÁN

Please enter your comment!
Please enter your name here