Primeiru-Ministru, Taur Matan Ruak prezide reuniaun Konsellu Ministru, kinta (23/04) iha Salaun Ministériu Finansa, Aitarak-Laran. Imajen Tatoli/António Gonçalves

DILI, 23 abríl 2020 (TATOLI) – Governu liuhosi Ministériu Saúde anúnsia kampaña ‘Basa-Liman Ba Eroi Timor-oan’ ligadu ho prevensaun ba surtu COVID-19 iha Timor-Leste.

Atividade ne’e Governu anúnsia liuhosi reuniaun Konsellu Ministru (KM) estraordinária kinta ne’e.

“Reuniaun Konsellu Ministru anúnsia kampaña semanál hamutuk ho organizasaun Nasaun Unida sira hodi Basa-Iiman ba Eroi Timor-oan, atu hatudu ba públiku nia laran-luak ba traballadór sira ne’ebé servisu hambrik iha liña oin hodi hatán ba COVID-19, hodi partisipa iha ronda basa-liman ho grupu boot”, relata nota ofisiál ne’ebé Agência Tatoli simu hafoin reuniaun KM estraordinária iha Salaun Ministériu Finansa iha Aitarak-Laran.

Tanba ne’e, Governu enkoraja ema hotu iha Timor-Leste atu basa liman kada semana, iha tersa tuku 19:00 durante minutu-lima nia laran, iha ida-idak ninia uma, hahú hosi tersa semana oin iha loron 28 abríl, hodi partisipa iha kampaña ‘Basa-liman ba Eroi Timor-oan sira’, no sei rejista momentu hirak ne’e iha vídio no sei divulga iha rede sosiál sira ho nia Tag #Applaud4TimorenseHeroes.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here