Portavóz Gabinete Sentru Integradu Jestaun Krize (CIGC), Sergio Lobo. Imajen/Egas Cristovao

DILI, 21 abríl 2020 (TATOLI)-Portavóz Sala Situasaun Sentru Integradu Jestaun Krize (CIGC-sigla portugés) Sergio Lobo, informa Timoroan na’in 24 hosi Komunidade Musulmanu ne’ebé foinlalais partisipa konferénsia Ijtima Ulama iha Indonézia, na’in lima fila ona mai Timor-Leste, no sira seluk sei kontinua hela iha nasaun ne’ebá.

Na’in lima ne’ebé fila ona mai rai-laran, kumpre ona kuarentena obrigatóriu iha Munisípiu Manatuto no oras ne’e re-integra ona ba sira-nia família idaidak.

Notísia Relevante : Embaixadór Alberto Preokupa Ho Prezensa Musulmanu TL iha Konferénsia Ijtima

“Agora dadauk ema barak preokupa hodi husu sira na’in 24 ne’e iha ne’ebé, hosi sira ne’e na’in lima mak agora fila mai kuarentena hela iha Manatuto no sira-nia loron ramata ona hodi fila ba idaidak nia uma,” dehan Eis Ministru-Saúde, durante konferénsia imprensa iha Sentru Konvensaun Merkadu-Lama Dili, tersa ohin.

Doutór Sergio Lobo, hatutan servisu vijilánsia epidemiolójika kontinua observa sira-nia kondisaun saúde ba prevene COVID-19.

No husu ona ba sira atu kontaktu lalais ba médiku sira bainhira mosu hikas sintoma coronavirus atu nune’e bele hetan intervensaun sedu.

Jornalista : Hortencio Sanchez

Editór     : Agapito dos Santos

HAKEREK NO HATÁN

Please enter your comment!
Please enter your name here