Update Kazu COVID-19, 21 Abríl 2020.

DILI, 21 abríl 2020 (TATOLI)-Provedór  Direitu Umanu no Justisa (PDHJ) husu ba governu atu halo sensibilizasaun to’o komunidade sira iha area rurál atu komunidade sira bele hatene no iha koñesimentu kona-ba  propagasaun surtu Coronavirus ka COVID-19 ho nia medida prevensaun.

Notísia Relevante : Estadu Emerjénsia, PDHJ Rejista Keixa Hitu

Provedora Jesuina Maria Ferreira Gomes. Imajen/Portal Ofisiál PDHJ

Provedora Jesuína Maria Ferreira Gomes, komunidade iha area rurál tenke iha duni koñesimentu ba konsekuénsia surtu COVID-19 ne’e no oinsá mak bele hadook-an  hosi peste letál ne’e nia propagasaun.

“Governu presiza kontinua disemina hodi hasa’e sensibilizasaun COVID-19 ba komunidade tun to’o baze para kompriende surtu COVID-19 nia konsekuénsia no impaktu, no oinsá mak halo medida prevensaun,” hateten Provedora Jesuína Maria Ferreira Gomes, ohin, ba Ajénsia Tatoli iha nia serbisu fatin, Caicoli, Dili.

Tuir monitorizasaun PDHJ nian iha terrenu nota katak, iha implementasaun rega estadu emerjénsia komunidade balun seidauk kumpre medida prevensaun sira hanesan distánsia sosiál no distánsia fíziku, la uza máskara, sirkulasaun ema-nian kontinua rame no halibur-malu.

PDHJ sujere mós ba governu atu fasilita máskara ba sirkulasaun komunidade iha merkadu no ba ema ne’ebé laiha kbiit atu sosa.

“Iha ami nia monitorizasaun, dala-barak komunidade balun la tau máskara no ami husu ba sira hateten, laiha kapasidade atu sosa tanba karun no talvés estoke máskara mak hotu ona,” hateten Provedora Jesuína Maria Ferreira Gomes.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here