Portavóz Gabinete Sentru Integradu Jestaun Krize, Sérgio Lobo. Imajen Tatoli/Egas Cristóvão

DILI, 21 abríl 2020 (TATOLI)--Portavóz Sala Situasaun Sentru Integradu Jestaun Krize (CIGC) apela ba sidadaun hotu iha territóriu Timor-Leste hodi fó nafatin apoiu no konfiansa ba Governu ne’ebé lidera hosi Primeiru-Ministru, Taur Matan Ruak hodi kombate problema COVID-19 iha rai-laran.

“Sentru Integradu Jestaun Krize aproveita oportunidade ne’e hodi husu ba públiku atu fiar nafatin Governu ne’ebé agora lidera prosesu prevensaun no mitigasaun moras COVID-19,” dehan Sergio Lobo durante konferénsia imprensa iha CCD, tersa ohin.

Eis Governante ne’e hatutan tempu reziténsia Timoroan hamutuk luta ba manán ninia indepenensia, no ohin husu atu Timoroan hamutuk fila-fali ho Governu lideradu husi Primeiru-Ministru, Taur Matan Ruak hodi luta kontra coronavirus.

Kontribuisaun komunidade sira-nian maka atu fiar de’it informasaun atuál no kredivel ne’ebé fó sai hosi Sala Situasaun Sentru Integradu Jestaun Krize hodi evita boatus ba kontribui kombate hasoru surtu COVId-19.

“Ita hotu kolabora no disiplina iha distansiamentu sosiál, tuur hakmatek iha uma fase liman beebeik, tau maskra bainhira ba iha fatin públiku, liman labele kona inus, labele kona ibun no oin bainhira seidauk fase, bainhira halibur malu labele liuhosi na’in lima ba leten, tanba ita hatene moras COVID-19 ne’e lá hanesan ho moras baibain no fásil los atu da’et ba ema seluk,” nia apela tan.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here