Estudante sira nebe kumpre ona loron 14 iha kuarentena wainhira fila ba sira nia uma.Imajen/Antonio Goncalves

DILI, 20 abríl 2020 (TATOLI)-Timoroan hamutuk ema na’in sia, segunda (20/04/2020) re-integra ona ba sira-nia família idak-idak hafoin kompleta ona kuarentena obrigatóriu iha Otél SAKURA Dili, durante loron 14 hodi prevene transmisaun surtu COVID-19 iha Timor-Leste.

Estudante na’in sia ne’e iha semana rua liubá foin fila hosi nasaun Fiji tanba estuda iha área médiku.

Diretór Unidade Apoiu Jurídiku Ministériu Saúde, Belarmino da Silva hateten tuir loloos re-integra ona sira iha loron 18 fulan-abríl 2020 maibé hosi estudante sira ne’ebé balun iha sintoma Coronavirus tanba ne’e estende to’o segunda ohin.

“Ohin sira kompleta ona loron kuarentena nian entaun sira bele fila ona ba família, loloos sira sai tia ona iha loron hira ba kotuk haree ba tenke kompleta tan asuntu ruma, maibé ohin loron rezultadu iha ona justifika liuhosi sira nia atestadu médiku hatudu katak sira bele fila ba família,” dehan, Belarmino ba Jornalista sira iha Otél SAKURA Dili, ohin.

Ministériu Saúde oferese mós serfitikadu livre hosi COVID-19 antes fila ba idak-idak nia hela fatin.

Antes fila, MS kontinua husu ba abitante na’in sia ne’e atu informa lalais ba Ministériu Saúde bainhira mosu sintoma ruma iha loron hirak tuir mai.

Entertantu, ekipa Ministériu Saúde maka tula estudante hirak ne’e ho mini bus rua hodi ba hatun iha ida-idak nia uma.

Jornalista : Hortencio Sanchez

Editór       : Agapito dos Santos

HAKEREK NO HATÁN

Please enter your comment!
Please enter your name here