Komandante PNTL Munisípiu Dili, Superintendente Xefe Armando Monteiro. Imajen/Antonio Goncalves

DILI, 20 abríl 2020 (TATOLI – Polísia Nasional Timor-Leste PNTL Munisípiu Dili tau matan (guarda) ona suspeitu na’in-ida ho sintoma COVID-19 ne’ebé tenta halai lakon ka dezvia hosi  parte saúde.

Notísia Relevante : PNTL Buka Tuir Pasiente Sintoma COVID-19 Na’in-Ida Tanba Halai Lakon

Komandante PNTL Munisípiu Dili, Superintendente Xefe Armando Monteiro, hateten, suspeitu ne’e iha ona auto-kuarentena. Maske, horiseik, nia-ta’uk hodi dezvia-an hosi  ekipa médiku-sira tanba diagnoze nia iha indikasaun ho sintoma COVID-19 bainhira halo tratamentu iha Sentru Saúde Comoro

“Domingu horiseik, ita identifika kedas suspeitu ne’e iha nia hela fatin area Don Aleixo hodi tau matan  kedas ba suspeitu  ne’e iha  auto-kuarentena hodi halo prevensaun,” tenik Armando Monteiro hodi responde Ajénsia Tatoli, ohin, iha Otél  Sakura, Audian, Dili.

Hafoin identifika suspeitu ne’e, nia parte komunika kedas ho Sentru Jestaun Integradu krize (CGIC-sigla portugés) hodi orienta kedas ekipa epidemolojia tun direita foti amostra suspeitu nian hodi ba halo teste iha laboratóriu.

Jornalista : Nelson de Sousa

Editór        : Francisco Simões

HAKEREK NO HATÁN

Please enter your comment!
Please enter your name here