Vise Ministru Ba Dezenvolvimentu Estratéjiku Saúde, atuál Ministru Saúde Interinu, Bonifácio Maucoli dos Reis. Imajen/Egas Cristóvão

DILI, 17 abríl 2020 (TATOLI)-Ministru Saúde Interinu, Bonifácio Maucoli dos Reis, hateten daudaun ne’e nia parte sei iha estoke sufisiente ba ai-moruk rega susuk hodi prevene moras dengue iha territóriu Timor-Leste.

“Ai-moruk kímiku atu halo fomigasaun hodi prevene transmisaun dengue sei sufisiente hodi uza atu halo fomigasaun liliu ba Munisípiu sira inklui Dili tanba agora daudaun ekipa saúde sira halo hela servisu ida ne’e,”dehan atuál Vise Ministru Estratéjiku Dezenvolvimentu Saúde ne’e ba TATOLI, iha Edifísiu Ministériu Finansa Ai-tarak Laran Dili, sesta ohin.

Tuir relatóriu Ministériu Saúde nian rejista kazu dengue rejista makaas iha Munisípiu Dili, Covalima, Liquiça no Ermera.

“Tanba ne’e mak agora daudaun ita halo esforsu hela hodi rega ai-moruk fomigasaun para prevensaun liu-liu ba iha abate nian,” nia salienta liután.

Atu prevene moras dengue iha Timor-Leste la’ós papel governu nian de’it hodi rega ai-moruk, maibé presiza kontribuisaun hosi ema ida-idak atu moris iha ambiente moos no saudavel liliu hamoos uma hun,valeta bee dalan, hariis fatin, evita tara roupa arbiru no seluk tan.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here