Ministru Negósiu Estrajeiru no Kooperasaun, Dionísio da Costa Babo Soares. Imajen Tatoli/Egas Cristovão

DILI, 17 abríl 2020 (TATOLI)-Governu liuhosi Ministériu Negósiu Estranjeiru no Kooperasaun (MNEK) sei buka solusaun ba destinu traballadór Timoroan na’in 50-resin iha Austrália no Korea Súl tanba sira nia kontrau ramata ona.

Ministru Dionísio da Costa Babo Soares, hateten traballadór 50-resin ne’e husu ba Embaixada tanba hakarak fila mai Timor-Leste, maibé governu sei estuda hela pedidu ne’e.

“Númeru ne’ebé ha’u iha ne’e Austrália traballadór hamutuk 15 mak kontratu hotu ona sira hakarak fila mai no Korea Súl mak 40 hanesan ne’e maibé seidauk sertu embaixada esforsu hela atu haree oinsá lori sira fila ou oinsa,” informa, MNEK Dionísio Babo, ba Jornalista sira iha Edifísiu Ministériu Financas Ai-tarak Laran sesta ohin.

Hatan kona-ba vistu mate, Governante ne’e esplika nasaun rua ne’e fó ona estensaun vistu ba traballadór sira ligadu ho moras pandemia globál COVID-19.

“Mais ita halo oinsá para haree, atu nune’e bele fó estensaun ba sira ka lae! ida fali mós mak sé fó estensaun ba sira sé mak atu selu sira iha ne’ebá no han hemu ida ne’e la’ós fáesil mais ami sei hare,” nia hateten.

Jornalista   : Hortencio Sanchez

Editór        : Agapito dos Santos

HAKEREK NO HATÁN

Please enter your comment!
Please enter your name here