Xefe Suku Comoro, Eurico da Costa de Jesus ko'alia hela ho abitante 34 iha Otel Leokasia. Imajen/Tome Amado

DILI, 17 abríl 2020 (TATOLI)-Abitante 34 iha Otél Leokasia Raikotu Dili, sesta (17/04/2020) hato’o protesta hasoru ekipa Gabinete Polítika Kooperasaun tanba adia prosesu re-integrasaun ba sira-nia família idak-idak hafoin kumpre ona kuarentena obrigatóriu durante loron 14 ba prevensaun surtu COVID-19 iha Timor-Leste.

Gabinete Sentru Integradu Jestaun Krize (CIGC-sigla portugés) implementa desizaun ne’e baseia ba pedidu hosi Laboratóriu Nasionál tanba prosesu teste COVID-19 ba abitante sira hosi kuarentena ne’e seidauk ramata.

Asaun protesta ne’e konsege rezolvidu hafoin hetan intervensaun hosi Polisia Nasionál Timor-Leste no Xefe Suku Comoro, Eurico da Costa de Jesus.

 Notísia Relevante : CIGC Adia Prosesu Re-Integrasaun Ema 84 ba Sira-Nia Família

“Imi labele fó sala ba ita-nia pesoál saúde sira liliu Gabineti Polítika kooperasaun, prosesu adiantamentu ba imi-nia re-integrasaun ne’e di’ak ba ita hotu. Tanba ne’e ha’u husu ba imi atu hakmatek no pasensia nafatin atu hein prosesu ne’ebé sei iha hela konfirmasaun,” apela Xefe Suku Comoro, ba abitante sira iha Otél Leokasia Raikotu Dili, sesta ohin.

Xefe Suku Comoro ne’e kontinua husu kontribuisaun hosi okupante hirak ne’e atu prevene transmisaun surtu coronavirus ka COVID-19 iha Timor-Leste.

Jornalista : Tomé Amado

Editór     : Agapito dos Santos

HAKEREK NO HATÁN

Please enter your comment!
Please enter your name here