Ilustrasaun

DILI, 16 abríl 2020 (TATOLI)-Tuir Relatóriu mensál ba fulan-marsu nian, Sentru Saúde Formoza rejistu kazu dengue hamutuk neen maioria sofre hosi labarik tinan 14 mai kraik.

Xefe Sentru Saúde Formoza Dili, Jaime dos Reis Belo informa pasiente hirak ne’e konsege rekupera hotu no laiha ema maka mate tanba hetan tratamentu saúde sedu hos profisionál saúde sira.

Notísia Relevante :Dengue Atake Ema Na’in Haat Mate

“Iha fulan marsu Sentru Saúde Formoza rejista moras infeksaun vias respiratóriu hamutuk 2.167 moras kulit hamutuk 461 Diaréa 212,”relata Jaime dos Reis Belo ba Jornalista sira iha ninia servisu fatin, kinta (16/04/2020).

Notísia Relevante :Moras Dengue Domina iha Munisípiu Tolu

Kazu ISPA aas tanba kauza hosi tempu udan monu rai provoka rai-rahun iha Dili maka afeta ba komunidade barak tenki sofre infesaun vias respiratóriu.

Notísia Relevante :Dengue-Ispa Domina Sentru Saúde Vera Cruz

Kona-ba funsionamentu Sentru Saúde ne’e, nia tenik tan katak atendementu ba pasiente la’o hanesan bain-bain maibé númeru pasiente ne’ebé halo tratamentu saúde durante estadu emerjénsia hahú menus hosi loron ba loron.

Notísia Relevante :Moras Dengue, Munisípiu Dili Iha Kazu 24

“Uluk seidauk iha kazu COVID-19 no estadu ermejénsia seidauk iha ita servisu to’o oras 10:00 kalan maibé agora servisu to’o iha oras 17:00 lokraik maibé ita halo atendimentu hanesan baibain,”tenik tan.

Notísia Relevante :Prevene Dengue, Hamoos Lixu No Bee Nalihun Sira

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here