Ilustrasaun COVID-19. Imajen/Espesiál

DILI, 16 abríl 2020 (TATOLI)-Make kazu konfirmadu surtu Coronavirus ka COVID-19 iha Timor-Leste aumenta tan ona ba na’in-18  no na’in-ida rekupera ona, maibé seidauk iha transmisaun lokál.

Notísia Relevante : Kazu COVID-19 iha TL 229, Pozitivu Sa’e ba Na’in-17

Portavós CIGC, Odete Viegas. Imajen/Egas Cristovão

“Kazu pozitivu COVID-19 na’in 17 iha hela fatin izolamentu iha Sentru Saúde Vera Krús no na’in-ida rekupera ona ne’e kazu importadu. Seidauk iha transmisaun lokál,” hateten portavós Sentru Integradu Jestaun Krize (CIGC), Odete da Silva Viegas, ohin, ba jornalista-sira liuhosi konferénsia imprensa iha Sentru Mídia COVID-19 iha Sentru Konvensaun Dili (CCD).

Maske seidauk iha tranzmisaun lokál, maibé ekipa CIGC  no mós Governu kontinua apela ba povu atu ba nati-tuir medida prevensaun hosi Organizasaun Mundiál Saúde (OMS) ho Ministériu Saúde (MS), katak fase-liman ho sabaun beibeik, uza máskara no mantein distánsia fízika (metru ida).

“Suspeitu ba COVID-19 na’in-17 daudaun evakua hotu ona iha sala izolamentu, Sentru Saúde  Vera Krús, Dili, no hetan akompañamentu ativu hosi médiku-sira,”  hateten Odete Viegas.

Jornalista : Nelson de Sousa

Editór       : Francisco Simões

1 KOMENTÁRIU

  1. Graca Deus tanba seidauk iha transmisaun lokal, maibe prevensaun ne importante. Husu ba ekipa CIGC atu toma konta ba ekipa sira frontline,, liliu ba ekipa saude nb bele salva an. Nune mos ba ekipa cigc nb lor-loron apela informsaun ba ami, favor ida imi mos tenki uza microfon ida por ida, la bele hanesan agra dadaun ne, tamba ita la htene entre imi nain hira ne se mak afetadu, sa tan ate agora ema nb la iah simtomas mos bele afeta moras at ne (covid 19). Ekipa tekniku CIGC se diak prepara microfon barak tuir ekipa sira nbe atu hto informasaun. Obrgdo

HAKEREK NO HATÁN

Please enter your comment!
Please enter your name here