Tanki bee ne'ebé monta iha fatin públiku hodi ajuda komunidade fase liman, hodi kombate Covid-29. Imajen UNICEF

DILI, 15 abril 2020 (TATOLI)–Prezidente Autoridade Munisípiu Baucau, António Augusto Guterres informa, parseiru dezenvolvimentu Australia fó apoiu profil neen (6) ba Munisípiu Baucau hodi fasilita komunidade sira bainhira halo atividade ruma hodi bele fase-liman.

Nia hatutan, Autoridade Munisipál Baucau sei monta profil hirak ne’e iha fatin públiku sira no fatin ne’ebé mak ema barak asesu hodi bele fase-liman antes no hafoin hala’o atividade ruma.

Prezidente Autoridade Munisípiu Baucau, António Augusto Guterres

“Ami monta ona profil rua (2) iha Postu Administrativu Venilale, ida iha Merkadu Venilale no ida seluk iha Suku Berkoli, hodi fasilita ita-nia komunidade sira bele fase-liman bainhira halo atividade ruma iha dalan públiku ka merkadu,” dehan Prezidente Autoridade Munisípiu Baucau, António Augusto Guterres, ba Ajénsia TATOLI via telefone, kuarta ne’e.

Ajudu ida ne’e, nia esplika, atu oinsa pratikamente populasaun sira fase-liman ba ijiéne saùde nian bainhira atu halo atividade ruma hodi prevene no kombate surtu COVID-19.

“Profil ida ami reforsa ba iha eis ospitál Trilolo ninian. Ida tan tau iha dalan entrada munisipál Baucau nian nune’e sidadaun ruma karik trata dokumentu bele asesu fase-liman molok tama no sai. Ida tan, tau iha sentru vijilánsia iha Triloka hodi fasilita públiku ne’ebé halo movimentu bele fase liman. Ida seluk ami tau iha Hospital Munisipál Eduardo Ximenes rejionál Baucau,” nia dehan.

António Guterres hateten, fatin hirak ne’e sai hanesan movimentu makaas liuliu iha ospitál ne’ebé pasiente ne’ebé halo tratamentu hosi médiku sira nomós abitante sira ne’ebé asesu ba merkadu mós presiza fase-liman.

Notísia Relevante: Ekipa Vijilánsia Baucau Halo Prevensaun Rega Dezinfetante Ba Karreta-Motor

Jornalista : Osória Marques

Editór     : Cancio Ximenes

HAKEREK NO HATÁN

Please enter your comment!
Please enter your name here