Karta avizu hosi Embaixada TL iha Ri ba estudante Timoroan ne'ebé reside iha teritóriu RI.

DILI, 16 abríl 2020 (TATOLI) – Embaixada Timor-Leste iha Repúblika Indonézia, ohin, fó sai hikas avizu ba estudante Timoroan  hotu ne’ebé reside iha territóriu Repúblika Indonézia (RI) atu rejista lalais iha inskrisaun konsulár ‘online’.

Notísia Relevante : Embaixada TL iha RI La Fasilita Ona Timoroan no Ema Estranjeiru Atu Tama Mai TL

Embaixadór Timor-Leste ba Indonézia, Alberto Xavier Pereira Carlos. Imajen/Liputan6.com

Liuhosi avizu 008 ne’ebé Embaixadór Alberto Xavier Pereira Carlos haruka mai Ajénsia Tatoli, informa ba estudante Timoroan iha RI katak, primeira faze (faze dahuluk) inskrisaun konsulár ‘online’ ne’ebé Embaixada Timor-Leste iha Indonézia hala’o hela sei taka iha loron 17 abríl 2020, oras 23.59, atu nune’e, bele fó tempu ba ekipa verifikasaun atu hahú halo verifikasaun ba dadus ne’ebé tama ona.

“Husu ba estudante Timor-Leste nia-oan sira ne’ebé seidauk halo inskrisaun konsulár ‘online’ atu finaliza antes oras ne’ebé determina ona iha leten,” hateten Embaixadór Alberto X.P. Carlos, liuhosi karta aviza ne’e.

Nia afirma tan, inskrisaun konsulár liuhosi e-mail, WhatsApp sei loke nafatin no husu atu hamutuk nafatin ho Maromak, moris hakmatek no kuida saúde.

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here