Eis Prezidente Parlementu Nasionál, Arão Noé de Jesus da Costa Amaral. Imajen/António Gonçalves.

DILI, 15 abríl 2020 (TATOLI)—Prezidente Parlamentu Nasionál, Arão Noé de Jesus da Costa Amaral, hateten saudozu Doutór Daniel Murphy merese hetan kondekorasaun hosi Estadu Timor-Leste no Parlamentu Nasionál sei fó votu pezár ba matebian ninia kontribuisaun durante tinan 20 iha Timor-Leste.

“Nia merese hetan kondekorasaun ruma hosi Estadu no ami (Parlamentu Nasionál) sei konsidera para atu-bele fó votu pezár ba nia kontribuisaun ne’ebé durante ne’e nia fó ba sidadaun Timor-Leste nian,” Arão Noé informa ba jornalista sira iha Parlamentu Nasionál, kuarta ne’e.

Prezidente Parlamentu Nasionál ne’e haktuir, doutór Daniel serbisu iha parte saúde nian hodi harii klínika Bairro Pité ne’e hodi halo atendimentu oin-oin ho esforsu rasik.

“Sein apoiu ruma hosi Estadu, nia buka rasik fundu hosi li’ur para bele sustenta klínika ne’e,” hateten Prezidente Parlamentu Nasionál.

Arão esplika, maske iha fulan hirak liubá nia hasoru difikuldade finanseira mabé klínika nafatin funsiona to’o nia hakotu iis. Iha ninia dedikasaun tomak, nia haruka pasiente timoroan barak ba halo tratamentu iha rai liur.

“Matebian mós haruka timoroan balun ba halo tratamentu iha nasaun Austrália. Ne’e esforsu ida-ne’ebé defísil tebes. Tanba ne’e, nia merese hetan kondekorasaun,” nia dehan.

Notísia Relevante: Doutór Daniel Murphy Hakotu Iis

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here