Diretór Klínika Bairru Pité, dr. Daniel Murphy, bainhira halo entrevista ho jornalista Tatoli, Agapito dos Santos, iha ninia serbisu fatin. Imajen/Egas Cristovão

DILI, 15 abríl 2020 (TATOLI)- Portavós Sentru Integradu Jestaun Krize (CIGC, sigla portugés), Sergio Lobo, ohin, informa katak, ekipa Médiku Laboratóriu Nasionál  fó sai ona teste ba Saudozu  Doutór Daniel Murphy  nia-raan hatudu rezultadu negativu ba surtu Coronavirus ka COVID-19

Notísia Relevante : Laboratóriu Nasionál Halo Teste ba Doutór Daniel Murphy Nia Mate-Isin

Portavóz Gabinete Sentru Integradu Jestaun Krize (CIGC), Sergio Lobo. Imajen/TATOLI.

“Kona-ba Doutór Daniel Murphy nian, horiseik, ekipa médiku-sira ba hasai ona amostra raan hodi halo teste no rezultadu hatudu negativu,” informa  eis Ministru Saúde, Sergio Lobo, ba jornalista liuhosi konferénsia imprensa iha Sentru Mídia COVID-19 iha Sentru Konvensaun Dili (CCD).

Nia dehan, rezultadu raan ne’ebé teste negativu, signifika matebian ne’e hakotu iis tanba sofre moras seluk.

Antes ne’e, Jestór Klínika Bairru-Pité, Inácio dos Santos dehan, sira-nia parte rasik kontaktu ekipa médiku halo teste ba matebian nia-raan hodi  antesipa para ema labele hanoin doutór ne’e mate tanba sofre COVID-19.

Notísia Relevante : Doutór Daniel Murphy Hakotu Iis

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here