Ministra Edukasaun, Juventude no Desportu, Dulce de Jesus Soares. Imajen/ Egas Crisotvao

DILI, 15 abríl 2020 (TATOLI)-Governu liuhosi Ministériu Edukasaun Juventude no Desportu (MEJD) to’o kuarta (15/04/2020), seidauk iha desizaun atu fornese internet gratuita ba estudante Ensinu Sekundaria Jerál no Tékniku Vokasionál iha territóriu durante implementasaun estadu emerjénsia iha Timor-Leste.

Ministra Dulce de Jesus Soares, hateten MEJD diskute ona asuntu ne’e ho Ministériu Transporte no Telekomunikasaun (MTK) hodi oferese liña internet gratuita ba estudante sira atu bele asesu matéria aprendizajen iha website Ministériu nian.

Notísia Relevante :Apoiu Internet Gratuita ba Estudante iha Faze Diskusaun

“Ita araska oituan atu halo programa eskola distánsia ba Estudante sira tanba estudante sira ne’e presiza hetan livru própriu atu ajuda sira iha prosesu ensinu apendizajen. Maibé atu asesu livru sira ne’e mós presiza internet gratuita,” katak Ministra Edukasaun hafoin ramata reuniaun Konsellu Ministru, kuarta (15/04/2020).

Notísia Relevante :Governu Planeia Oferese Internet Gratuita ba Estudante

MTK responde ona pedidu MEJD nian ne’e maibé sei kontinua iha prosesu diskusaun tanba ne’e maka seidauk iha desizaun klaru atu apoiu internet gratuita ba estudante sira.

Jornalista : Tomé Amado

Editór         : Agapito dos Santos

HAKEREK NO HATÁN

Please enter your comment!
Please enter your name here