Ministra Edukasaun, Juventude no Desportu Dulce de Jesus Soares. Imajen/ Egas Crisotvao

DILI, 15 abríl 2020 (TATOLI)-Ministériu Edukasaun Juventude no Desportu (MEJD) iha semana oin sei la realiza tan ezame periodika dahuluk ba estudante pre-eskolár to’o Ensinu Tékniku Vokasionál tanba kondisaun la permite.

Tuir kalendariu nasionál ba tinan letivu 2020, ezame periodika dahuluk nian realiza ona iha loron 13 fulan abríl ne’e maibé foinlalais Ministériu Edukasaun Juventude no Desportu adia tan ba semana oin (20 to’o 25).

 Notísia Relevante :Abríl Realiza Ezame Trimestrál Dahuluk

Ministra Dulce de Jesus Soares hateten, desizaun ne’e mós iha posibilidade sei altera hodi adia tan ba tempu seluk tanba Governu hasoru obstaklu lubuk ida durante implementasaun eskola ba uma ne’ebé fó sai iha kanál RTTL, ep, TVE, GMN TV no seluk tan.

“Antes ne’e ha’u deklara ona ezame periodu ne’e adia ba loron 20-25 abríl 2020 ho metodu ka maneira liuhusi kanal online, maibe prosesu ne’e mós iha ligasaun ho Ministeriu Transporte no Komunikasaun nian ne’ebé sei prosesu hela entaun ita labele realija ezame ne’e,” deklara Ministra Edukasaun Juventude no Desportu ne’e ba Jornalista sira hafoin reuniaun Konsellu Ministru iha CCD, kuarta (15/04/2020).

 Notísia Relevante :MEJD Deklara Adia Ezame ba Estudante

Iha alternativu seluk ne’ebé maka Governu sei uza hanesan avaliasaun formativu ba estudante sira hodi priense ba valór estudante sira nian hodi troka ezame periodika dahuluk.

“Ita lakohi atu obriga labarik sira iha kondisaun la preparadu atu prienxe ona desizaun Ministériu nian. Ita hakarak estudante sira preparadu hodi nune’e sira bele partisipa iha ezame ne’e mós ho kontenti no fleksibilidade,”katak Dulce.

Tanba tuir relatóriu Governu nian rejista estudante barak iha área rurál maka la asesu programa eskola ba uma.

No planu MEJD nian atu distribui livru manual ba estudante sira iha área rural mós la realiza tanba implementasaun estadu emerjénsia.

Jornalista : Tomé Amado

Editór       : Agapito dos Santos

1 KOMENTÁRIU

  1. Hau nudar estudante bain2 nb mk remata ona ensinu sekundariu, hau komprende oinsa ho karater estudante agora dadauk ne nian sira nia participasaun iha sala de aula kada loron nian nebe mak professor sira rasik maka akompanha hela deit ne mos alunus sira balun mak laiha vontade atu aprende ate mestre sira tenke buka maneira seluk para hnorin sira, satan akompanha ensinu i aprendizajem iha kanal de televizaun sira ne sira bark mak la partisipa tanba tuir hau nia hare iha alunus barak mak iha televizaun maibe sira la tau interese ba orariu nb mak na’i ulun sira prepara tiha ona ka publika tiha ona ba publiku, no pior liu tan mak iha alunus barak mak hela iha area remotas sira ka rural sira nebe mak laiha televizaun no aat liu tan mak balun eletrisidade seidauk tama sira nia aldeia ka suku. Kona ba online hau snte barak mak la participa tnb balun lyh koneshimentu atu aplika iha telefone, no balun fali laiha telefone no balun nebe iha posibilidade atu assesu ensinu aprendizagem iha online maibe sira laiha interese atu aprende maibe assesu fali ba buat seluk hnsan chating ho nia kolega sira, tnba ne tuir hau nia prespetiva alunus sira nebe mak iha interese atu assesu ensinu i aprendeizagem iha kanal de televizaun ka medsos ka online hau bele dehan 25% deit mk tuir aula nebe nain ulun matenek sira halao iha kalan televizaun sira, 75% mak la assite ho razaun balun laiha televizaun duni, balun hela iha area rural no eletrisidade la tama sira nia area, balun hela iha vila iha eletrisidade no iha televizaun no ate balun ih telemovel maibe laiha interese atu aprende.
    Hau orgullu no louava ba ba nain ulun sira nia kontribuisaun no eleborasaun tomak nb hkrk atu ajuda alunus sira atu aprende nafatin maski iha estado emegensia nia laran… Myb ida ne hau sente ladun ajuda, ajuda ba ema sira nb iha interese no ema sira nebe iha buat htu atu asesu.
    Sujere deit katak ezame ne mak la realiza duni se bele fo responsabilidade ba mestre sira nbe hnorin iha kada eskola mak bele fo valor ba kada alunu sira, tnba kada mestre/a disiplinar htn oinsa fo valor ba nia alunus sira tnba sira mak konhese diak liu tan ba sira nia alunus idaidak, no meius nebe sira atu foti valor ne sira hatene ona, tnba durante ne sira hnorin iha lista prejensa, fo trabalho do grupo, fo trabalho individual, balun fo prova diaria ona, hau sente ida ne bele ajuda mestre sira atu fo valor ba labarik sira iha trimestre dahuluk nian, ita mos hare situasaun nebe agora daundaun akontese iha ita nia rai doben ida ne, lahatne los baimhira los mak ita bele halao ita knaar ka halao ita nia atividade idaida ho regularidade ka normalmente,
    Se bele husu mos dadus husi kada eskola para kontaktu direitamente ho sira idaidak nia familia para htane lolos oins a ho labarik sira nia situsaun no kondisaun iha momentu dr estadu emergensia nia laran. Se estadu emergensia ne mak lao nafatin tanba virus covid19 nia prejensa mak ira tnke buka meius seluk atu alunus sira aprende nafatin se lae mak alunu sira nia vida nudar estudante la lao normal. Sera que ita fo pasagem de klase htu ka la fo pasagen da classe ba sira htu alis la passa total tnb aula la lao maka alunus sira mos la aprende buat ida husi periodo ida ba ida seluk.
    Ida ne hnsan hau nia hnoin dt nb hkrk sujere dt ba nain ulun sira,
    Tnba desizaun sira ne iha ita bot sira nia liman.

HAKEREK NO HATÁN

Please enter your comment!
Please enter your name here