Kuarentena Otél Katuas. Imajen/Eugénio Pereira

DILI, 15 abríl 2020 (TATOLI)- Portavós Sentru Integradu Jestaun Krize (CIGC, sigla portugés), Sergio Lobo, informa, ekipa COVID-19 buka meius ona atu muda sai abitante Timoroan sira ne’ebé daudauk ne’e kumpre kuarentena obrigatóriu iha fatin kuarentena Otél Katuas hodi evita propagasaun  surtu Coronavirus ka COVID-19.

Notísia Relevante : Pasiente Pozitivu COVID-19 iha TL Sa’e Ba Na’in Ualu

Portavóz Gabinete Sentru Integradu Jestaun Krize (CIGC), Sergio Lobo. Imajen/Egas Cristovao

“Ha’u hakarak hateten de’it katak,  Ministériu Saúde no CIGC agora identifika hela otél ida para ita atu muda estudante ka abitante sira ne’e ba fatin seluk ho razaun psikolojia  sira mós trauma ho fatin ne’ebá,” informa eis Ministru Saúde, Sergio Lobo ba jornalista liuhosi konferénsia imprensa, ohin, iha Sentru Mídia COVID-19  iha Sentru Konvensaun Dili (CCD).

Nia hatutan, ba estudante-sira ne’ebé governu teste sira-nia raan negativu bele muda ba fatin kuarentena foun para evita sira hosi propagasaun surtu COVID-19.  Nune’e, nia apela mós ba estudante sira iha Otél Katuas atu mantein kalma hodi hein too tempu besik governu bele muda ona sira.

Daudaun ne’e, Sergio Lobo hateten, ekipa Ministériu Saúde mós haruka ona ekipa ba rega ai-moruk iha fatin ne’eba hodi evita moras ne’e  no parte PNTL halo seguransa másimu atu ema la bele halo movimentu.

Iha parte seluk, Sergio dehan, CIGC mós agradese tebes ho esforsu serbisu ne’ebé halo hosi Maun boot Kay Rala Xanana Gusmão hodi prepara fatin kuarentena iha Tasi Tolu no Ospitál Dr. António Carvalho, Lahane, Dili.

Jornalista : Eugénio Pereira

Editór       : Francisco Simões

 

HAKEREK NO HATÁN

Please enter your comment!
Please enter your name here