Diretór Klínika Bairro Pité, dr. Daniel Murphy. Imajen TATOLI/Egas Cristovão

DILI, 15 abríl 2020 (TATOLI)–Oan hosi Matebian dr. Daniel Murphy iha Estadu Unidu Amérika (EUA) aseita hodi haloot nia isin-mate iha Timor-Leste maibé liuhosi dalan kremasaun tuir relijiaun Hindu nian.

“Maibé ba nia oan sira iha Amérika katak bele hakoi, maibé sira prefere liu kremasaun ka sunu para bele haruka filafali nia ahuk-desan ba Amérika tuir tradisaun Hindu nian,” haktuir Jestór Klínika Bairru-Pité, Inácio dos Santos ba Jornalista sira iha ninia servisu fatin, kuarta (15/04/2020).

Mezmu nune’e, to’o ohin seidauk iha desizaun kona-ba seremónia fúnebre ne’e tuir kultura Timor nian ka aseita pedidu família iha Amérika atu halo kremasaun.

Entretantu, mate-isin hosi Matebian Daniel Murphy daudaun ne’e rai iha Klínika Bairru-Pité, Dili.

Perfíl

Daniel Murphy moris iha Alton, Sidade Iowa, Estadu Unidu Amérika (EUA) iha loron 23 Fulan-Setembru 1944.

Matebian hahú tama iha banku universidade The Roy J. and Lucile A. Carver College Of Medicine Doctor Degree iha tinan 1970. Hafoin ramata ninia estudu, matebian hahú servisu iha Moçambique iha tinan 1970 to’o 1973.

No iha tinan 1980 to’o 1998 hanesan Doutór iha Methadone Clinic iha Waterloo, Lowa. Dr. Daniel Murphy komesa mai Timor-Leste iha tinan 1998 hodi servisu iha Klínika Motael Dili, depois iha 1999 servisu iha Klínika Bairru-Pité iha ne’ebé sai baze ba forsa Indonézia sira.

Hafoin iha tinan 1999, Matebian sai hanesan fundadór Kliníka ne’e hodi serbí ema ki’ak liuhosi tratamentu saúde ho gratuita.

Jornalista : Felicidade Ximenes

Editór        : Agapito dos Santos

HAKEREK NO HATÁN

Please enter your comment!
Please enter your name here