Sekretária Jerál Parlamentu Nasionál, Cedelizia Faria dos Santos. Imajen Mídia UNESCO

DILI, 15 abríl 2020 (TATOLI)— Sekretária Jerál Parlamentu Nasionál, Cedelizia Faria dos Santos hateten, Dotasaun Orsamentu Temporáriu (DOT) hosi Parlamentu Nasionál nian hetan redusaun ba viajen estranjeiru.

“Dotasaun Orsamentu Temporáriu hosi Parlamentu Nasionál ba fulan-abríl nian hetan kortes 17% (rihun $212,532) tanba ne’e mak ba fulan abríl nian ita hetan de’it millaun 1,029,396. Kortes ne’e relasiona ho Estadu Emerjénsia ne’ebé Governu mós dekreta katak laiha viajen estranjeiru no formasaun. Tanba ne’e mak Ministériu Finansas fó mai ne’e la inklui ona viajen estranjeiru no orsamentu ba formasaun,” dehan Cedelizia Faria dos Santos ba jornalista sira iha Parlamentu Nasionál, kuarta ne’e.

Nia haktuir, DOT hahú hosi janeiru to’o 31 marsu inklui obrigasaun atinje ona 62%. Tuir nia, durante ne’e uza DOT labele implementa orsamentu viajen estranjeiru tanba situasaun surtu COVID-19

“Klaru katak laiha impaktu ba funsionamentu Parlamentu Nasionál tanba kortes liu ba viajen estranjeiru no formasaun tanba formasaun sei envolve ema barak. Entaun, ami hanoin katak ida-ne’e laiha problema,” nia hateten.

Sekretária Jerál PN ne’e dehan, DOT ba fulan-abríl nian selu saláriu, manutensaun ba karreta sira no mós viajen lokál ba munisípiu maibé viajen lokál ne’e komisaun ida só bele halo viajen dala-ida de’it.

“Ita hatene katak hosi janeiru to’o fevereiru, orsamentu ba viajen estranjeiru nian ita labele ezekuta tanba situasaun COVID-19 ne’ebé mak ita hotu enfrenta,” nia hateten.

Totál Dotasaun Orsamentu Temporáriu (DOT) ba fulan abríl nian millaun $1,029,396 (antes ne’e millaun $1,241,928) kompostu hosi saláriu no vensimentu rihun $484,484 (mantein), bens no serbisu  449,995 (antes ne’e rihun $662,527), transferénsia públika rihun $78,667 (mantein) no kapitál dezenvolvimentu rihun $16,250 (mantein).

Hosi totál orsamentu millaun $1,029,396 kompostu hosi Parlamentu Nasionál hetan rihun $503,618, Gabinete Prezidente Parlamentu rihun $42,843, bankada parlamentár hetan rihun $78,667 ne’ebé koloka ba Bankada FRETILIN, CNRT, PLP, PD, KHUNTO, UDT/FM no PUDD.

Entretantu, Komisaun Espesializada sira mak hanesan Komisaun A (trata asuntu Justisa no Konstitusionál) hetan  rihun $4,180 (antes ne’e rihun $12,913), Komisaun B (Negósiu Estranjeiru, Defeza no Seguransa) hetan rihun $4,200 (antes ne’e rihun $13,799), Komisaun C (Finansa Públika) hetan rihun $5,037 (antes ne’e rihun 15,153), Komisaun D (Ekonomia no Dezenvolvimentu hetan rihun 5,000 (antes ne’e rihun $11,108).

Nune’e mós Komisaun E (Infraestrutura) hetan rihun $6,267 (antes ne’e rihun $15,172), Komisaun  F (Saúde, Seguransa Sosiál no Igualdade Jéneru) hetan rihun $4,600 (antes ne’e rihun $12,606) no Komisaun G (Edukasaun, Juventude, Kultura no Sidadaia hetan rihun $6,240 (antes ne’e rihun $15,248).

Hosi parte Konsellu Fiskalizasaun Sistema Nasionál Intelijénsia Timor-Leste hetan rihun $6,414 (antes ne’e rihun $5,791),  Grupu Feto Mulheres Parlamentár Timor-Leste hetan rihun $1,284 (antes ne’e rihun $3,912), Gabinete Sekretáriu-Jerál Parlamentu hetan rihun $850 (antes ne’e rihun $7,394), Gabinete Auditoria Interna hetan rihun $3,784 (antes ne’e rihun $4,429).

Ba Dirasaun Jestaun Finanseira hetan rihun $91,496 (antes ne’e rihun $133,599), Dirasaun Rekursu Umanu no Formasaun hetan rihun $233,848 (antes ne’e rihun $256,689), Dirasaun Apoiu Parlamentár hetan rihun $3,039 (antes ne’e rihun $9,757) no Dirasaun Komunikasaun hetan rihun $4,104 (antes ne’e rihun $17,149).

Nune’e mós ba Divizaun Planeamentu, Monitorizasaun no Avaliasaun hetan $25 (antes ne’e rihun $1,192), Divizaun Protokolu hetan rihun rihun $ 414 (antes ne’e rihun $1,910), Organizasaun Globál Parlamentár Kontra Korrupsaun hetan rihun $5,738 (antes ne’e rihun $7,725).

Ba Sentru Promosaun Igualdade Jéneru hetan rihun $1,035 (antes ne’e rihun $1,717), Gabinete Estudu Estratéjiku no Jurídiku hetan rihun $870 (antes ne’e rihun $2,004), Gabinete Relasaun Internasionál no Kooperasaun zero (antes ne’e rihun $727) no Konsellu Konsultivu Fundu Petrolíferu hetan rihun $15,854 (antes ne’e rihun $21,178).

Jornalista : Evaristo Soares Martins

Editór      : Cancio Ximenes

HAKEREK NO HATÁN

Please enter your comment!
Please enter your name here