Kuarentena Otél Katuas. Imajen/Eugénio Pereira

DILI, 15 abríl 2020 (TATOLI)-Abitante Timoroan hirak ne’ebé kumpre kuarentena obrigatóriu iha fatin kuarentena Otél Katuas, ohin, tuku 17:00 Otl, muda ona ba fatin kuarentena foun Tasi-Tolu.

Notísia Relevante : Governu Sei Muda Sai Abitante iha Kaurentena Otél Katuas

Abitante sira-ne’e ekipa Sentru Integradu Jestaun Krize ho Governu liuhosi Ministériu Saúde (MS) tula sai hosi Otél Katuas hetan seguransa másimu hosi Polisia Nasionál Timor-Leste (PNTL).

Fatin kuarentena Tasi-Tolu ho kuartu 300 ne’e prepara hosi eis Primeiru-Ministru, Kay Rala Xanana Gusmão, atu sai fatin kuarentena obrigatóriu  ba Timoroan sira ne’ebé iha sintoma surtu Coronavirus ka COVID-19.

“Fasilidade no fatin kuarentena iha Tasi-Tolu ne’e bela akomoda ema too 300,” hateten  Portavós Sentru Integradu Jestaun Krize (CIGC, sigla portugés), Sergio Lobo.

Jornalista : Eugénio Pereira

Editór       : Francisco Simões

HAKEREK NO HATÁN

Please enter your comment!
Please enter your name here