Presidente Komisaun F Parlamentu Nasionál, Maria Barreto. Imajen/Egas Cristovão

DILI, 14 abríl 2020 (TATOLI)-Komisaun F Parlamentu Nasionál ne’ebé trata asuntu saúde no edukasaun liuhosi atividade fiskalizasaun iha tersa (14/04/2020) deskobre SAMES iha problema falta orsamentu atu halo distribuisaun ai-moruk ba Munisípiu, manutensaun karreta no seluk tan.

Prezidente Komisaun F, Parlamentu Nasionál, Maria Barreto hateten situasaun ne’e akontese tanba implikasaun hosi utilizasaun orsamentu duodesimu ne’ebé maka aloka ba SAMES kada fulan la sufisiente.

“Problema boot ba SAMESa durante hasoru mak dotasaun duodesimu ne’e limitsaun ba sira liliu sira la iha alokasaun rubrika ne’ebé mak iha kona-ba manutensaun no laiha rubrika ida ne’ebé mak bá viajen lokál entaun problema ida ne’e mak afeta tebes ba SAMES,” informa Eis Komisária ba Komisaun Nasionál Diretu Labarik, Maria Barreto ba Jornalista sira iha Kampung-Alor, Dili, tersa (14/04/2020).

Komisaun sei konsidera preokupasaun ne’e hodi husu ba Ministériu Saúde atu responde liuhosi alokasaun orsamentu iha futuru.

“Tanba ne’e mak tenki iha orsamentu ida ne’ebé mak apoiu ba sira para bele fasilita sira nia viajen no mós fasilita ba kombustivel, manutensaun karreta se karik karreta avaria tanba ne’e mak presiza tau iha konsiderasaun,” nia hatutan.

Jornalista : Felicidade Ximenes

Editór         : Agapito dos Santos

HAKEREK NO HATÁN

Please enter your comment!
Please enter your name here