Ministru Koordenadór Asuntu Ekonómiku interinu no atuál Ministru Reforma Lejizlativa no Asuntu Parlamentár, Fidelis Manuel Leite Magalhães. Imajen/Egas Cristovão

DILI, 14 abríl 2020 (TATOLI) – Ministériu Koordenadór Asuntu Ekonómiku interinu, (MKAE) realiza hikas reuniaun ho ajénsia ekonómiku sira no liña ministeriál hodi haree ba perioridade setór ekonómiku iha rai-laran relasiona ho Estadu Emerjénsia, liga ho surtu COVID-19 iha Timor-Leste.

Sorumutu ne’ebé prezide husi Ministru Koordenadór Asuntu Ekonómiku interinu, Fidelis Manuel Leite Magalhães no partisipa husi ajénsia ekonómiku sira ne’e, hahú iha dader tuku 10:00 iha sala TradeInvest, Colmera no daudaun ne’e seidauk remata.

Enkontru ne’e hala’o ba datoluk ona, ne’ebé antes ne’e enkontru dahuluk ne’ebé hala’o iha salaun TradeInvest, Colmera, Dili ne’e ko’alia kona-ba rekuperasaun ba ekonomia rai-laran no enkontru daruak hala’o iha iha salaun Sosiedade Sivíl, Palásiu Governu, kona-ba setór ekonómiku no ninia rezultadu aprezenta ona iha reuniuan Konsellu Ministru semana kotuk.

Notísia Relevante: MKAE Konvoka Reuniaun ho Ajénsia Prepara Nesesidade Bázika Iha Estadu Emerjénsia

Aleinde ne’e, partisipa mós husi Membru Governu sira hanesan Ministra Edukasaun, Juventude no Desportu, Dulce Soares, Ministru Ensino Superiór Siénsia no Kultura, Longuinhos da Silva Monteiro, Ministru Administrasaun Estatal interinu, Abílio José Caetano, Ministru Obra Publika, Salvador Eugênio Soares dos Reis Pires, Ministru Agrikultura no Peska, Joaquim José Gusmão dos Reis Martins, Ministra Solidariedade Sosial no Inkluzaun, Armanda Berta.

Nune’e mós, Ministra Finansa ein ezersísiu, Sara Lobo Brites, Ministru Negósiu Estranjeiru no Kooperasaun, Dionísiu Soares Babo, Sekretáriu Estadu Komunikasaun Sosiál, Merício Juvinal dos Reis ‘Akara’, Sekretáriu Estadu Formasaun Profisionál no Empregu, Julião da Silva, Sekretária Estadu Igualdade Jéneru no Inkluzaun, Maria José Fonseca.

Partisipa mós Governador Banku Sentrál Timor-Leste (BCTL, sigla portugés), Abrãao de Vasconselos, inklui Segundu Komandante Polisía Nasionál Timor-Leste, Mateus Fernandes.

Jornalista: Antónia Gusmão

Editora: Julia Chatarina

HAKEREK NO HATÁN

Please enter your comment!
Please enter your name here