Ministru Negósiu Estrajeiru no Kooperasaun, Dionísio da Costa Babo Soares. Imajen Tatoli/Egas Cristovão

DILI, 13 abríl 2020 (TATOLI) – Ministru Negósiu Estrajeiru no Kooperasaun, Dionísio da Costa Babo Soares, informa daudaun ne’e husi parte Ministériu Negósiu Estrajeiru no Kooperasaun (MNEK) seidauk simu informasaun foun ruma husi sidadaun timor-oan iha rai-li’ur ne’ebé pozitivu COVID-19.

Graças a Deus, to’o agora seidauk iha relatóriu ka reklamasaun ruma ne’ebé maka hateten ita nian maluk timor-oan sira iha rai-li’ur hetan COVID-19”, dehan Dionísio iha Sentru Konvensaun Dili (CCD, sigla portugés), segunda ne’e.

Maske nune’e, governante ne’e apela ba sidadaun sira iha rai-laran no rai-li’ur atu kuidadu-an nafatin iha situasaun surtu COVID-19, tanba moras ne’e perigu ba ema-nia saude públika.

“Ha’u husu ba ita ida-idak tenke kuidadu-an. Agora iha Timór ne’e dengue mós maka’as tebes. Tanba ne’e, favór kuidadu tanba dala ruma husi sira ne’e maka bele da’et fali no dezenvolve fali moras seluk”, nia akresenta.

Ministru Dionísio refere liután, kona-ba kondisaun diplomata iha rai-li’ur ne’ebé pozitivu COVID-19, daudaun ho kondisaun di’ak.

“Emabaixadór ne’e sei iha óspital hela, maibé hasai ona ventiladór no oksijéniu. Ne’ebé di’ak ona no hein rekoperasaun”, nia subliña.

Jornalista: Natalino Costa

Editora: Julia Chatarina

HAKEREK NO HATÁN

Please enter your comment!
Please enter your name here