Komandante PNTL Munisípiu Dili Superintendente Xefe, Armando Monteiro. Imajen/Egas Cristóvão

DILI, 13 abríl 2020 (TATOLI) – Durante periodu Páskua, Polísia Nasionál Timor-Leste (PNTL) Munisípiu Dili, rejista kazu hamutuk ualu (8).

Notísia Relevante : Autoridade Lokál Labele Halibur Populasaun

Komandante PNTL Munisípiu Dili, Superintendente Xefe Armando Monteiro, ohin, informa, kazu ualu nee kompostu hosi kazu arma branka lima (5), asidente tráfegu singular kanek ladún grave ida  (1) no danu  kazu rua (2).

Kona-ba suspeitu-sira ne’ebé envolve iha kazu arma branka ne’ebé komete hosi joven balun iha area Dili nian, Armando Monteiro hateten,  polísia halo ona kapturasaun no oras ne’e  kumpre hela  sela detensaun durante oras 72 nia laran.

Ba kazu asidente tráfegu ho kazu danu nian, Armando hatutan, balun iha desizaun hodi ba aprezenta-an iha primeiru interrogatóriu.

Ba jornalista iha Otél Luz Clarita, Dili, Superintendente Xefe Armando Monteiro, hateten, komandu PNTL Munisípiu Dili ninia membru efetivu na’in 189 kontinua halo seguransa hodi mantein Lei ho Orden durante periodu estadu emerjénsia no  hamutuk luta kontra inimigu invizivel surtu COVID-19.

Jornalista : Nelson de Sousa

Editór       : Francisco Simões

HAKEREK NO HATÁN

Please enter your comment!
Please enter your name here