Doutór Rui Maria de Araújo

DILI, 11 abríl 2020 (TATOLI)–Governu liuhosi Portavóz Sala Situasaun Sentru Integradu Jestaun Krize, Rui Maria de Araújo deklara Governu observa ona fatin semitériu iha área Metinaro ba pasiente COVID-19 bainhira la konsege salva ka mate hodi hakoi hamutuk.

“Ita tenki prepara ba senáriu ida ne’ebé mak aat liu. Maibé ita hotu kontente se moras ne’e ladún afeta makaas ba ita-nia populasaun,” dehan Rui Maria de Araújo, durante konferénsia imprensa iha Sentru Konvensaun Dili (CCD-sigla portugés), sábadu (11/04/2020).

Forsa rápidu ezekuta ona orden hosi Primeiru-Ministru, Taur Matan Ruak, hodi prepara fatin ne’ebá hodi antesipa bainhira kazu COVID-19 aumenta no rezulta ema barak maka mate.

“Risku neebé mak hetan gravidade ho mós fatalidade signifika grave liu bele hetan susar ne’e boot tebes tanba iha ema ne’ebé idade 60 ba leten entaun ita tenki prepara hotu ba senáriu sira-nee,” subliña Rui Maria de Araújo.

Jornalista : Felicidade Ximenes

Edítor       : Agapito dos Santos

1 KOMENTÁRIU

  1. Perpara uluk fali fatin ba ema nebe mate tnba afeta covid19, ne hanesan atu hotar uluk fali na krk? ita kompriende ktk antisipa mas lolos ita mos hare ba numeru afeta iha timor leste lai tnba ita hare positivo 1 recopera 1 jd total.2, se ita kumpri didiak no halo tuir regras husi EE ne hu senti sei menus maibe la aumenta… keta halo ba ema mate tnba destinu ou tinan 60 ba leten mk destinu kona mate nemos koloka hotu ba pandemi Covid19, ne hau senti ladun justo. Tnba Fatin nebe governo perpara ba ema sr nebe mate tnba afeta pandemi covid19 ne laos ema nebe mate tnba destino too na.. Abc🙏 desklpa se hu nia komentario ladun kona ita nia laran..

HAKEREK NO HATÁN

Please enter your comment!
Please enter your name here