Portavóz Sala Situasaun Sentru Integradu Jestaun Krize (SIJK), Rui Maria de Araújo.Imajen/TATOLI.

DILI, 11 abríl 2020 (TATOLI)-Portavóz Sala Situasaun Sentru Integradu Jestaun Krize (SIJK), Rui Maria de Araújo, informa to’o sabadu (11/04/2020), pasiente Timoroan ho surtu COVID-19 pozitivu iha kondisaun saúde ida ke di’ak no la grave.

Doutór Rui Maria de Araújo hateten, pasiente ne’e izola ona iha fatin izolamentu ne’ebé maka Governu estabelese ona antes ne’e iha Sentru Saúde Vera Cruz, Caicoli, Dili.

Notísia Relevante : Timor-Leste Rejista Tan Kazu Pozitivu COVID-19 Daruak ba Ema Na’in-Ida

Durante Konferénsia imprensa ohin, iha Sentru Konvensaun Dili (CCD-sigla portugés), Eis Primeiru-Ministru, Rui Maria de Araújo relata suspeitu coronavirus ka COVID-19 iha Timor-Leste hamutuk ema na’in 64.

Maibé hosi rezultadu teste na’in 50 negativu, ema na’in 12 sei iha prosesu provavel ka teste laboratóriu, pozitivu na’in ida rekupera no alta ona hodi fila ba ninia uma, no na’in ida seluk tama ona iha fatin izolamentu.

”Médiku sira akompaña hela no kontrola ho regularmente tuir protokolu ne’ebé ejiste iha sala izolamentu nian,”katak Eis Ezekutivu iha Governu konstitusionál daneen.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here