Koordenadór Ekipa Gabinete Intergado Jestaun Krize ba Asuntu Saúde, Dr. Rui Maria de Araujo. Imajen/Egas Cristovão

DILI, 11 abríl 2020 (TATOLI)-Portavóz Sala Situasaun Sentru Integradu Jestaun Krize, Rui Maria de Araújo, hateten pasiente COVID-19 ne’ebé rekupera ona hodi fila bá ninia hela fatin iha obrigasaun atu kontinua auto-kuarentena iha nia-uma durante loron 14.

Alende ne’e, obrigatóriu atu uza nafatin ekipamentu protesaun pesoál hanesan maskra no fase liman beibeik no seluk tan.

Rui Maria de Araújo dehan tuir dadus komulativamente hosi loron 06 fulan-marsu to’o sabadu (11/04/2020), suspeitu COVID-19 hamutuk ema na’in 64. Na’in 50 negativu, pozitivu na’in rua no ida alta ona hodi fila ba ninia hela fatin, no na’in 12 sei iha prosesu teste laboratóriu.

”Husi 64 ne’e nain rua mak konfirmadu pozitivu husi nain rua ne’ebé mak konfirmadu ida seluk rekupera ona no fila ona ba hela nia uma no ida seluk asegura hela iha sala izolamentu vera kruz ,” informa Eis Primeiru-Ministru iha Governu Konstitusionál daneen.

Timor-Leste seidauk iha kazu transmisaun lokál tanba pasiente pozitivu COVID-19 hirak ne’e fila hosi rai-li’ur maka lori kazu refere.

Tuir dadus ema hela iha kuarentena obrigatóriu ho auto-kuarentena hamutuk 883, kuarentena obrigatóriu iha Dili ema na’in 746 no Munisípiu na’in 120.

Auto-Kuarentena hamutuk ema na’in 17, Dili na’in haat no munisípiu sira hamutuk 13.

Jornalista : Felicidade Ximenes

Editór       : Agapito dos Santos

HAKEREK NO HATÁN

Please enter your comment!
Please enter your name here